Palitviazień z turmy: Biełarus nie poŭzaje pierad katami i bandytami
Palitviazień Arciom Micuk dasłaŭ z kałonii ŭ Mahilovie list na volu, u jakim padzialiŭsia svaimi dumkami pra biełarusaŭ i biełaruskaść. Jon apublikavany na staroncy ŭ fejsbuku «Listy salidarnaści» i datavany 8 śniežnia minułaha hoda.
Arciom piša:
Zaŭsiody ŭsio zaležyć ad čałavieka. U rabaŭnikoŭ niama ničoha, akramia zhody ich achviar. Ich moc prama praparcyjnaja strachu ludziej. Tolki ŭ hetym ŭsia ich «mahutnaść». Zaraz heta bačna, jak nikoli dahetul u historyi.
Ale naŭrad ci heta dumka stanie papularnaj, bo patrabuje ad kožnaha poŭnaj adkaznaści za siabie i žyćcio, anijakaha škadavańnia da siabie, poŭnaj racyjanalnaj adkaznaści za siabie, za svaje ŭčynki i pamyłki. Takoha ja jašče nie sustrakaŭ.
Patryjatyzm, jak i ŭsio ŭ asobie, pavinien być racyjanalnym.
Ja baču svoj asabisty patryjatyzm u tym, kab pieraadoleć ciačeńnie ŭsich hetych stahodździaŭ, padčas jakich vyniščałasia ŭsio, padčas jakich farmavaŭsia hety brydki vobraz biełarusa jak pakornaha, z naradžeńnia skoranaha čałavieka, ź jakim moža rabić, što pažadaje, pieršy napadnik-bandyt.
Biełarus — heta Kaściuška, Kazimir Łyščynski, Kalinoŭski, Mickievič, Bahdanovič, Kupała, Kołas, Bykaŭ, Aleksijevič, usie tyja, chto maje honar i nie poŭzaje pierad katami i bandytami».
Arcioma Micuka zatrymali 9 kastryčnika 2020 hoda, jon byŭ fihurantam kryminalnaj spravy ab udziele ŭ «masavych biesparadkach» u Minsku 10—12 žniŭnia. 19 lipienia 2021 hoda jaho asudzili da vaśmi hadoŭ pazbaŭleńnia voli va ŭmovach uzmocnienaha režymu, z kanca 2021-ha znachodzicca ŭ mahiloŭskaj PK №15.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»36
Kamientary
"Ale naŭrad ci heta dumka stanie papularnaj, bo patrabuje ad kožnaha poŭnaj adkaznaści za siabie i žyćcio, anijakaha škadavańnia da siabie, poŭnaj racyjanalnaj adkaznaści za siabie, za svaje ŭčynki i pamyłki. Takoha ja jašče nie sustrakaŭ."
sapraŭdy załatyja słovy.
ale - navošta ŭ ramku? ci vy nie bačyli ŭva što pieraŭtvarajecca ramačnaje ŭsio? pačynajučy ad ikon bohamaciary i skančajučy... znoŭ ža ikonami pidaravikoŭ praizvodstva (doska počieta) - całujuć ramačku i ŭsio
tamu - nie treba ŭ ramačku
kali tolki nie chočacie spahanić čarhovy raz usio