U RNBA Ukrainy abviarhajuć zajavy rasijskich ŚMI ab ranieńni hałoŭnakamandujučaha Załužnaha
Sakratar RNBA Alaksiej Daniłaŭ napisaŭ u tvitary, što Valeryj Załužny dakładvaŭ siońnia ŭ Staŭcy Viarchoŭnaha Hałoŭnakamandujučaha i pastaviŭ smajlik u paście.
«Prezident Ukrainy, viarchoŭny hałoŭnakamandujučy USU Uładzimir Zialenski 24.05.2023 u 10:00 zasłuchaŭ u Staŭcy dakłady hałoŭnakamandujučaha USU Valeryja Załužnaha i inšych členaŭ Staŭki», — napisaŭ Daniłaŭ.
Priezidient Ukrajini, Vierchovnij Hołovnokomanduvač ZSU Vołodimir Zielenśkij 24.05.2023 o 10.00 zasłuchav na Stavci dopovidi Hołovnokomanduvača ZSU Valerija Załužnoho ta inšich členiv Stavki.
Pra toje, što Załužny nibyta byŭ ciažka paranieny ŭ pačatku maja ŭ Chiersonskaj vobłaści i jamu praviali apieracyju pa trepanacyi čerapa, paviedamiła siońnia rasijskaje ahienctva «RIA Novosti».
«Hałoŭnakamandujučy Uzbrojenych sił Ukrainy Valeryj Załužny atrymaŭ zakrytuju čerapna-mazhavuju traŭmu i šmatlikija askołačnyja ranieńni ŭ vyniku rakietnaha ŭdaru pa kamandnym punkcie ŭ rajonie siała Pasad-Pakroŭskaje ŭ Chiersonskaj vobłaści ŭ pačatku maja», — śćviardžała ahienctva sa spasyłkaj na ananimnaha pradstaŭnika rasijskich siłavych struktur.
Kamientary