Ekanamist tłumačyć, jak dabrabyt biełarusa źviazany z canoj na harełku i śvininu
Kiraŭnik prajekta «Košt urada», ekanamist Uładzimir Kavałkin sa svajoj kamandaj z 2015 hoda «čarkaj i skvarkaj» mieraje dabrabyt biełarusaŭ. Kali ludzi mahli dazvolić sabie bolš?
Uładzimir Kavałkin kaža, što čarkaskvaračny vymiaralnik dabrabytu zrazumieły bolšaści biełarusaŭ. U sistemie ich žyćciovych pryjarytetaŭ čarcy sa skvarkaj adviedziena druhoje miesca paśla «aby nie było vajny». Za imi iduć «inšamarka» dy «kvatera». Kali ŭsio heta razam jany majuć, to los składvajecca ŭdała.
Čarka sa skvarkaj vykryvajuć machinacyi ŭłady ź inflacyjaj i cenami, adznačaje ekanamist.
U čarkaskvaračny paramietr zakładzieny sukupny siaredni košt 100 hramaŭ śvininy i 100 hramaŭ harełki. Vahańni cen na ich prama ŭpłyvajuć na žyćcio biełarusaŭ.
Košt spažyvieckaha košyka, raźličany Biełstatam, pa słovach Kavałkina, značna adroźnivajecca ad realnaj inflacyi, ź jakoj sutykajucca ludzi.
«Zarobki naminalna rastuć, ale nie paśpiavajuć za inflacyjaj, — zaŭvažaje Kavałkin. — Biełstat ža sočyć za cenami, jakija rehuluje Minhandlu».
U pieršym kvartale 2019 hoda adna «čarka-skvarka» abychodziłasia siaredniamu biełarusu ŭ 2,69 rubla. Sioleta jamu treba było vykłaści 3,57 rubla. Takim čynam, «čarka-skvarka» padaražeła amal na 75 pracentaŭ.
Za toj ža čas naličany siaredni zarobak padros na 58 pracentaŭ. Čatyry hady tamu jon byŭ 1056,90 rubla, a sioleta — 1 814,20 rubla.
Kavałkin kaža, što ad 2015 hoda biełarusy nie nadta razbahacieli. Za hety čas siaredni zarobak znachodziŭsia ŭ kalidory ad 230 da 520 «čarak-skvarak».
«Biełarusy žyvuć ad kryzisu da kryzisu. Samym zamožnym pa čarcy sa skvarkaj vydaŭsia 2021 hod», — tłumačyć jon.
U čaćviortym kvartale 2021 hoda na adzin siaredni zarobak vychodziła 522 «čarki-skvarki».
U svaim sioletnim analizie kamanda Kavałkina zrabiła vysnovu, što ciapierašni siaredni zarobak u čarkaskvaračnym ekvivalencie znachodzicca na ŭzroŭni pieršaha kvartała 2021 hoda.
Dva hady tamu na adzin siaredni zarobak možna było kupić 478 čarak sa skvarkami. Adna ŭmoŭnaja «čarka-skvarka» kaštavała 2 rubli 76 kapiejek. U pieršym kvartale 2023 hoda jana padaražeła da 3 rubloŭ 57 kapiejek. Na siaredni zarobak biełarus moh dazvolić siabie kupić 484 čarki sa skvarkami. Hodam ža raniej ich vychodziła bolej — 503.
Pavodle kamandy Kavałkina, za apošni hod harełka padaražeła na 21 pracent. Letaś u sakaviku litr hetaha ałkaholu kaštavaŭ u siarednim 18 rubloŭ i 35 kapiejek, a sioleta za toj ža abjom treba vykłaści ŭžo 22 rubli 29 kapiejek.
Ceny na śvininu paśla niepraciahłaha zapavolvańnia minułaj vosieńniu rušyli ŭharu. Za hod miasa padaražeła na 10,5 pracenta. Letaś u sakaviku ŭ siarednim pa krainie za kiłahram śvininy prasili 12 rubloŭ 72 kapiejki. Sioleta jaje košt dasiahnuŭ 14 rubloŭ 6 kapiejek.
Samym zamožnym rehijonam krainy zastajecca Minsk. Jaho žychary mohuć nabyć najbolš čarak i skvarak. Ale ŭ paraŭnańni ź minułym hodam jany źbiadnieli na 108 «čarak-skvarak».
«Kali hod tamu siaredni minčuk za svoj siaredni zarobak moh nabyć 820 «čarak-skvarak», to sioleta — 712. Ni ŭ adnym rehijonie takoha padzieńnia nie było», — adznačaje Uładzimir Kavałkin.
Zachoŭvać paraŭnalna vysoki ŭzrovień dabrabytu na fonie inšych rehijonaŭ stalicy dazvalaje kancentracyja ŭ joj najbujniejšych kampanij. U Minsku najbolš kvalifikavanych śpiecyjalistaŭ z vysokimi zarobkami.
Kiraŭnik prajekta «Košt urada» razhladaje padzieńnie dachodaŭ minčukoŭ prykmietaju strukturnaj pierabudovy ekanomiki. Asnoŭnaja jaje prablema — uciečka mazhoŭ.
«Heta viadzie da archaizacyi i dehradacyi haspadarki. Heta vielmi kiepskaje raźvićcio padziej. Kali kažam, što ŭ Minsku dabrabyt padaje, to heta aznačaje, što admysłoŭcy z dobraj adukacyjaj źjazdžajuć z krainy. Ich uzrost — 30—45 hadoŭ. Jany drajviery ekanomiki. Im na źmienu treba hadavać novych, a niama z kaho», — adznačaje Uładzimir Kavałkin.
Jon kaža, što inšyja rehijony, akramia Mahiloŭščyny, žyvuć prykładna adnolkava. Dabrabyt siaredniaha žychara Brestčyny prasieŭ ź letašnich 433 da sioletnich 425 «čarak-skvarak», a ŭ susiedniaj Hrodzienščynie — z 434 da 424 «čarak-skvarak».
Na kaliva padraśli zarobki ŭ čarkach i skvarkach na Homielščynie. Hod tamu jaje žychary ŭ siarednim mieli 444, a sioleta — 448 «čarak-skvarak». Na 17 «čarak-skvarak» pavialičylisia zarobki ŭ žycharoŭ Minskaj vobłaści — z 415 letašnich da 432 sioletnich.
Zamožniej stali žychary Mahiloŭščyny, jakaja zvykła znachodzicca ŭ kancy tablicy biełaruskaha dabrabytu. Letaś im siaredniaha zarobku chapała na 349 čarak i skvarak. Sioleta jany mohuć sabie dazvolić ich 360. Ale adstavańnie hetaha rehijona ad inšych vielizarnaje.
«Kali my kažam pra Hrodzienščynu ci Brestčynu, to jany bahaciejšyja za Mahiloŭskuju na 100 «čarak-skvarak». Heta vialikaja roźnica ŭ 20—25 pracentaŭ», — adznačaje ekanamist.
Na jaho dumku, uzrovień dabrabytu ŭ 350 «čarak-skvarak», jak na Mahiloŭščynie, krytyčny.
Toje, što ŭzrovień dabrabytu zachodnich rehijonaŭ krainy vyšejšy za toj, što majuć žychary Mahiloŭščyny, ekanamist tłumačyć histaryčnymi realijami. Uschodniaja Biełaruś doŭhi čas znachodziłasia ŭ Savieckim Sajuzie, dzie byli vykaranienyja tradycyi pryvatnaj ułasnaści dy pradprymalnictva. Zachodniaja ž častka da 1939 hoda žyła pad Polščaju ź jaje rynkavaj ekanomikaj.
Akramia taho, žychary Brestčyny i Hrodzienščyny bačać roźnicu žyćcia na radzimie z tym, jakoje jano ŭ Litvie ci Polščy. Na Mahiloŭščynie takoha ŭzoru niama. U susiedniaj Rasii stanovicca tolki horš.
Uładzimir Kavałkin dadaje, što, u adroźnieńnie ad Mahiloŭščyny, susiedniaja Homielščyna i Viciebščyna majuć naftapierapracoŭčyja kambinaty, jakija kanjukturna vyciahvać hetyja vobłaści da adnosna dobraha siaredniaha pakazčyka.
Ekanamist kaža, što čarkaskvaračny indeks biełaruskaha dabrabytu pakul nie adreahavaŭ na vajnu. Čarka i skvarka padaje z zapavolvańniem.
«Kali vajna i adbivajecca, to nieistotna, i my hetaha pakul nie bačym. Mocny spad prajavić siabie praz hod-dva. Treba zvažać: kali razhladajem čarku i skvarku, to heta sam bazis. Kali ŭžo prablemy buduć z čarkaj i skvarkaj, to heta situacyja blizkaja da krytyčnaj», — tłumačyć jon.
Pavodle jaho, biełarusy, jaki žyvuć katehoryjaj «čarka-skvarka», zadavolvajucca nievysokim dabrabytam, ale dla ich važna, kab jon byŭ. Ich kolkaść pastupova źmianšajecca, bo heta ludzi pieravažna starejšaha pakaleńnia, jakija vyraśli ŭ Savieckim Sajuzie i trymajucca tradycyjnych savieckich pohladaŭ.
«Novaje pakaleńnie nie cikavicca čarkaskvaračnaj temaj, — padsumoŭvaje Uładzimir Kavałkin. — Maładym ludziam vyžyvać niecikava. Jany prahnuć žyć, tamu chutčej źmieniać krainu, čym zastanucca z takim mientalitetam».
«Naša Niva» — bastyjon biełaruščyny
PADTRYMAĆHladzicie taksama:
Uładzimir Kavałkin adsiadzieŭ 12 z 15 sutak i zaraz vyjdzie na volu
Biełaruskaja ekanomika ŭ 2023-m moža daciahnuć da ŭzroŭniu 2019 hoda, a moža i nie daciahnuć
Kudy ŭkłaści svabodnyja 10 tysiač dalaraŭ? Adkazvajuć ekanamisty i pradprymalnik
Tranzitnyja taryfy na prapampoŭku nafty pa Biełarusi chočuć pavialičyć adrazu na 84%
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8181
Kamientary
Tolko v 2020 hodu, čarka i škvarka, nie smohła pieriebiť kovidnyj mor biełorusov, ustrojennyj vłasťju, piar vłasti na niom, obman vłasti na duryborach avhusta 2020 hoda i nasilije nad niesohłasnymi s obmanom i morom.
Vsio otkorriektirovali s pomoŝju uzakoniennoho biezzakonija i zahnali siłoj v čarko-škvaročnuju riealnosť i jejo ciennosti, pod pokrovom učastija v zachvatničieskoj vojnie protiv Ukrainy i pri pomoŝi połnoj okkupacii Biełarusi Rośsijej.
Pri poražienii Rośsi v vojnie v Ukrainie pieriejdut k krapivno-miakkinno-lebiedovoj sistiemie i jejo ciennostiam (novomu SSSR), v Sieviernoj Korieje, eta sistiema i jejo ciennosti, očień chorošo prižiliś i pokazyvajut chorošije riezultaty dla udieržanija niezakonnoj vłasti.