Niahledziačy na abmiežavańni, biełarusy kuplajuć nieruchomuju majomaść u Litvie. Što i dzie jany vybirajuć i jak navat starajucca abyści zakon

Pa źviestkach Centra rejestraŭ, u pieršaj pałovie hoda hramadzianie Biełarusi nabyli ŭ Litvie 118 kvater, 17 žyłych damoŭ i 34 ziamielnyja nadzieły. Za anałahičny pieryjad minułaha hoda biełarusy nabyli 72 kvatery, 12 damoŭ i 38 ziamielnych učastkaŭ. Za ŭvieś 2022 hod — 185 kvater, 29 damoŭ i 89 ziamielnych učastkaŭ. Bolš za ŭsio abjektaŭ nieruchomaj majomaści hramadzianie Biełarusi nabyvajuć u Vilenskim haradskim i rajonnym samakiravańniach, a taksama ŭ Šalčyninkajskim rajonie, piša Delfi.

U Centry rejestraŭ padkreślivajuć, što ŭ hetuju statystyku ŭklučany ŭhody, pa jakich hramadzianie Biełarusi nabyli nie mienš za pałovu abjekta nieruchomaj majomaści. Vybirajuć zručnaje dla siabie žyllo, pavodle słoŭ Marusa Čuładasa, kiraŭnika ofisa ahienctva nieruchomaj majomaści Ober-haus, biełarusy i rasijanie ŭ starym horadzie Vilni, a taksama ŭ navakolli Vilni, Kłajpiedy i Šalčyninkaja (Salečnikaŭ).

Pa słovach ekśpierta pa nieruchomaj majomaści, tut užo jość nieabchodnaja infrastruktura dla ruskamoŭnych: škoły, dziciačyja sady, — składvajucca supolnaści. U hetych haradach taksama zvyčajna raspaŭsiudžany biełaruskaja i ruskaja movy, tamu biełarusy i rasijanie vybirajuć zhadanyja vyšej rehijony.

Akramia taho, ruskamoŭnych bolš za ŭsio ŭ mikrarajonach staroj zabudovy, i na heta jość niekalki pryčyn. Pa-pieršaje, u ich užo daŭno sfarmavalisia ruskamoŭnyja hramady.

Jašče adna pryčyna, pa jakoj biełarusy i rasijanie vybirajuć mikrarajony staroj zabudovy, nosić pravavy charaktar.

Jany nie majuć prava nabyćcia ziamielnaha ŭčastka va ŭłasnaść, u šerahu vypadkaŭ nie mohuć nabyć kvateru ŭ novabudoŭli ŭ šmatkvaternym domie, jakaja nie raźmieščana na dziaržaŭnaj ziamli.

Inšymi słovami, hramadzianam Biełarusi praściej nabyć kvateru staroj pabudovy ŭ šmatkvaternym domie, jaki znachodzicca na arandavanaj dziaržaŭnaj ziamli, i nabyć nie ziamlu va ŭłasnaść, a prava arendy ziamli, bo ŭ Litvie dziejničajuć abmiežavańni na kuplu ziamli zamiežnikami.

Zhodna z hetymi abmiežavańniami, zamiežnym subjektam (h. zn. zamiežnikam i zamiežnym jurydyčnym asobam, a taksama inšym zamiežnym arhanizacyjam), jakija adpaviadajuć abranym Litvoj kryteryjam jeŭrapiejskaj i transatłantyčnaj intehracyi, moža być dazvolena nabyvać va ŭłasnaść ziamlu, unutranyja vody i lasy. Biełarusy i rasijanie pad hetyja kryteryi nie padpadajuć.

Pa słovach M. Čuładasa, mienavita tyja biełarusy i rasijanie, jakija majuć dazvoł na žycharstva ŭ Litvie, zvyčajna majuć pracu i robiać kroki pa nabyćci tut nieruchomaj majomaści.

«Pa zakančeńni hoda, kali jany ŭžo znachodziacca ŭ Litvie, majuć hadavy i bolšy staž pracy, z pastajannym dazvołam na žycharstva ŭ Litvie, jany taksama mohuć aformić bankaŭski kredyt na kuplu žylla. Kali jany źviazvajuć svaju budučyniu ź Litvoj, jany kuplajuć nieruchomuju majomaść. Adnak takich pakupnikoŭ niašmat, tamu jany nie ŭpłyvajuć na rynak prodažu», — adznačaje ekśpiert pa nieruchomaj majomaści.

Nie majučy prava lehalna kupić kvateru ŭ novabudoŭli ŭ šmatkvaternym domie, jaki nie znachodzicca na dziaržaŭnaj ziamli, niekatoryja z našych suajčyńnikaŭ sprabujuć «abyści» zakon i sprabujuć kupić kvateru na svajo imia, a prava ŭłasnaści na ziamielny ŭčastak — na imia zarehistravanaj u Litvie kampanii. Adnak takich vypadkaŭ niašmat, i redka surjozny zabudoŭščyk idzie na takija schiemy.

«Taksama varta pamiatać, što imihranty z uschodu akazali vialiki ŭpłyŭ na rynak arendy žylla. Nieŭzabavie paśla ŭvarvańnia Rasii va Ukrainu ŭ Litvie było zaŭvažana pavieličeńnie kolkaści biełarusaŭ, ukraincaŭ, a paźniej i rasijan. Usie jany nakiravalisia na rynak arendy.

Prapanoŭ stała mieniej, ceny stali raści, u vyniku kolkaść ludziej na vulicach, jakija razmaŭlajuć pa-rusku i pa-biełarusku, pavialičyłasia, i my ŭžo zmahli adčuć, što kolkaść hramadzian z uschodu pavialičyłasia. U Vilni ceny na arendu vyraśli na 40 pracentaŭ, a zatym za paŭhoda ŭpali na 20 pracentaŭ i zastalisia vysokimi. Ciapier rynak zbałansavany, na hety momant u Vilni kala 1300 prapanoŭ arendy, heta narmalny ŭzrovień dla leta», — adznačaje M. Čuładas.

• 7
• 0
• 0
• 0
• 1
• 0
• 1
• 0