U Breście zdajecca kvatera za 1000 dalaraŭ na miesiac. Sapraŭdy nastolki šykoŭny varyjant?
«Elitnyja apartamienty» ŭ cientry Bresta ci kvatera ź vidam na akijan u Tajłandzie. U jakich niezvyčajnych miescach možna arandavać žyllo za 1000 dalaraŭ, zadajecca pytańniem vydańnie BG.Media.
Teatralnaść, pampieznaść, bahaćcie dekaratyŭnych elemientaŭ, lapnina i pazałota. Mienavita takija asacyjacyi ŭźnikajuć pry prahladzie fatahrafij kvatery za $1000 na miesiac. U pieraliku na biełaruskija — heta 3193 BYN. Haspadary pišuć, što hatovyja zdavać hety amal francuzski buduar na praciahły čas. Ale, miarkujučy z daty abjavy, zamožnych znaŭcaŭ baroka ŭ Breście dahetul nie znajšłosia.
Dvuchpakajovaja kvatera ŭ Breście raźmieščanaja ŭ domie pa vulicy 17-ha vieraśnia. Jak pišuć u abjavie, apartamienty całkam meblavanyja, abstalavanyja niamieckaj santechnikaj, ubudavanaj bytavoj technikaj brendavych vytvorcaŭ.
Za takija hrošy haspadary nie hatovyja puskać žycharoŭ z chatnimi žyviołami.
Z bytavoj technikaj usie štatna: chaładzilnik, mikrachvaloŭka, pralnaja mašyna, televizar, kandycyjanier i h. d. Bolšaść ź pieraličanaha možna znajści i ŭ inšych kvaterach. Ale kudy tańniej.
Što za takija hrošy možna źniać u inšych krainach śvietu?
Hodnych alternatyŭ znajšłosia vielmi šmat pry pošuku varyjantaŭ na sajcie Airbnb.com.
Naprykład, usiaho za 786 dalaraŭ na miesiac možna spakojna žyć u raskošnych apartamientach ź vidam na akijan u Tajłandzie. Havorka pra samy vysoki z kandaminiumaŭ na bierazie mora ŭ Tajłandzie ŭ 59 pavierchaŭ z basiejnami i šykoŭnym vidam.
Kali lubicie estetyku miehapolisaŭ, sardečna zaprašajem u stylny numar małazijskaha hatela ŭ samym sercy Kuała-Łumpura. Jon viadomy svaim panaramnym basiejnam na dachu ź vidam na horad. Cana pytańnia — 737 dalaraŭ na miesiac.
Ale nie adzinaj ekzotykaj, jak toj kazaŭ. Naprykład, usiaho za 761 dalar možna ceły miesiac žyć u Francyi la padnožža schiłaŭ ź vidam na Pireniejskija hory.
Kali cikaviciesia historyjaj, to jość masa varyjantaŭ. Naprykład, možna pažyć miesiac u italjanskaj kvatery, jakaja znachodzicca ŭ budynku byłoha kinateatra «Madernisima». U honar jaho kvatera atrymała nazvu Alloggio Attori (akciorskaja kvatera).
Novuju meblu śpiecyjalna prajektavali tak, kab zachavać pieršapačatkovy duch 1960-ch hadoŭ. Kala doma jość malaŭničy sad. Žyllo znachodzicca ŭ vioscy Umbryi, jakaja miažuje z Łacyjo i Taskanaj. Kaštuje takaja redkaja znachodka 668 dalaraŭ na miesiac.
Znaŭcam usiaho niezvyčajnaha pryjdziecca pa dušy dom u styli Antonia Haŭdzi ŭ Brazilii. Havorka pra dom, jaki, zdajecca, levituje ŭ harach dziakujučy šklanym ścienam, jakija dazvalajuć atrymlivać asałodu ad panaramnaha vidu. Pažyć miesiac u takim svojeasablivym žylli abydziecca ŭ 668 dalaraŭ na miesiac.
Kali papiaredni dom vam zdaŭsia zusim zvyčajnym, to možna pryhledziecca da… piačory ŭ Ispanii. Jana raźmieščanaja na paŭdniova-ŭschodnim baku krainu, kala vioski Jekła. Miesiačnaja arenda takoha žylla abydziecca ŭsiaho ŭ 882 dalary.
Narešcie, jość idealnaje miesca dla padarožnikaŭ, jakija ceniać dyzajn. Havorka pra cełuju rezidencyju ŭ PAR. Takoje žyllo abyjdziecca ŭ 821 dalar za miesiac.
Hrodziency ad śvitanku vystrojvajucca ŭ čerhi, kab nabyć novyja kvatery ad dziaržzabudoŭščyka. U čym pryčyna?
«Adnapakajovyja kvatery tut kaštujuć ad 380 jeŭra». Biełarus pierajechaŭ u Aŭstryju i raskazvaje, kolki kaštuje tam žyć
Ramont u styli «baroka», dva ŭzroŭni i zakrytyja dvary. Jakija kvatery pradajuć u Novaj Baravoj
«Tut jość uvohule ŭsio — i naohuł ničoha nie treba». Biełaruska pierajechała ŭ Tajłand i raskazvaje, jak kazačna tam žyviecca
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary