Abchazija moža ŭvajści ŭ Sajuznuju dziaržavu Rasii i Biełarusi, heta całkam adpaviadaje karennym intaresam naroda respubliki, zajaviŭ kiraŭnik MZS samaabvieščanaj respubliki Inał Ardzinba na Pieršym kanale, piša «Interfaks».
Pa słovach Ardzinby, pradstaŭniki Abchazii aktyŭna vyvučajuć dośvied pabudovy Sajuznaj dziaržavy i ŭzajemadziejańnia Rasii i Biełarusi ŭ roznych śfierach.
«My za vykanańnie pryncypu suvierennaj roŭnaści dziaržaŭ, kali ŭ miždziaržaŭnych abjadnańniach pavažajuć krainy, pavažajuć ich samabytnaść, ich kulturny kod. Tamu my chočam być razam z Rasijskaj Fiederacyjaj i Respublikaj Biełaruś», — adznačyŭ kiraŭnik MZS.
Zakranajučy mahčymaje pryznańnie Minskam niezaležnaści Abchazii, Ardzinba skazaŭ, što fundamient dla hetaha ŭžo stvarajecca.
«My stvarajem padmurak dla taho, kab hetaje rašeńnie było pryniata, pryznańnie samo pa sabie ŭźniknuć nie moža, pryznańnie treba padrychtavać. Treba sfarmulavać pryncypy našaj sumiesnaj pracy i treba pačać realizacyju handlova-ekanamičnych i kulturna-humanitarnych prajektaŭ, čym my zaraz i zajmajemsia sumiesna z našymi biełaruskimi kalehami», — padkreśliŭ ministr.
Pavodle jaho słoŭ, «pastaŭki abchazskich tavaraŭ u Biełaruś užo ažyćciaŭlajucca, i zaraz baki realizujuć roznyja prajekty supracoŭnictva». Ciapier abmiarkoŭvajecca i budaŭnictva biełaruskim bokam bujnoha sanatorna-kurortnaha kompleksu ŭ Ačamčyrskim rajonie Abchazii, dadaŭ Ardzinba.
Jon paviedamiŭ, što ŭ chutkim časie čakajecca vizit u Biełaruś vialikaj uradavaj delehacyi Abchazii, jakaja maje namier abmierkavać ź biełaruskim bokam pytańni supracoŭnictva ŭ roznych halinach.
U lutym 2023 hoda sakratar Savieta Biaśpieki Abchazii Siarhiej Šamba nazvaŭ ukidam infarmacyju ŚMI ab mahčymym uvachodžańni respubliki ŭ skład Rasii.
«U nas jość Kanstytucyja, jakaja prosta nie dazvalaje abmiarkoŭvać uvohule hetuju temu. Heta naohuł kryminalnaja adkaznaść za pastanoŭku takich pytańniaŭ. Tamu heta nierealna», — zajaviŭ jon, ale dadaŭ, što na ŭzroŭni ekśpiertaŭ mohuć abmiarkoŭvacca pytańni novaha jeŭrazijskaha sajuza.
U vieraśni minułaha hoda Alaksandra Łukašenki naviedaŭ samaabvieščanuju respubliku Abchazija. U lutym hetaha hoda kiraŭnik niepryznanaj Abchazii Asłan Bžanija pryjechaŭ da Łukašenki ŭ Minsk.
Kamientary
Jeśli budiet nado, to i zamiest ryhoryča vsio sdiełajut po vysšiemu razriadu, tam žie vsie krasaucy i krasavy, kak na podbor, - tiertiel, kubrakov, kačanova, čto caŕ russskoho chamasa skažiet, to skotnyj dvor i vypołnit!