U izrailskaj armii nazvali ŭmovu, pry jakoj admieniać naziemnuju apieracyju ŭ Hazie
Naziemnaja apieracyja izrailskaj armii ŭ Hazie moža być admienienaja tolki pry vyzvaleńni ŭsich zachoplenych bajevikami CHAMAS zakładnikaŭ, skazaŭ aficyjny pradstaŭnik Armii abarony Izraila Džonatan Kanrykus aŭstralijskamu ABC.
«Kali CHAMAS vyjdzie ź miescaŭ, dzie jon chavajecca, prykryvajučysia cyvilnymi, viernie našych zakładnikaŭ i zdasca biez umoŭ, tady vajna budzie skončanaja», — skazaŭ Kanrykus.
Pavodle jaho, meta hetaj vajny — likvidavać CHAMAS, kab jon bolš nikoli nie moh pahražać izrailcianam i nie paŭtaryŭ uvarvańnia, jakoje zdaryłasia 7 kastryčnika.
Pavodle apošnich źviestak izrailskaj armii, u zakładnikach u bajevikoŭ CHAMAS znachodzicca 212 čałaviek. U CACHAŁ adznačali, što heta ličba nie kančatkovaja, mnohija jašče ličacca źnikłymi bieź viestak.
U čaćvier, 19 kastryčnika, ministr abarony Izraila Joaŭ Hałant, vystupajučy pierad armijaj, skazaŭ, što chutka jany atrymajuć zahad uvajści na kantralavanuju CHAMAS terytoryju. «Ciapier vy bačycie Hazu zdalok, chutka vy ŭbačycie jaje znutry», — skazaŭ Hałant.
ZŠA ž, pavodle insajdaŭ miedyja, paprasili Izrail adkłaści naziemnuju apieracyju. U Biełym domie ličać, što heta dazvolić pravieści pieramovy nakont vyzvaleńnia zakładnikaŭ.
U Biełarusi, jak i ŭ minułym hodzie, na pieradnavahodnija chviliny adklučyli jutub19
Kamientary
čužoj tierritorii" i i.p. možieš schłopotať jarłyk vraka naroda ili inostrannoho ahienta ili srok tiuriemnyj až do 20 let. Eto i jesť putinskaja svoboda słova ..