Deputaty łatvijskaha Siejma zaklikali nie puskać biełaruskich i rasijskich spartoŭcaŭ na Alimpijadu
Deputaty Siejma Łatvii zaklikajuć prezidenta i parłamient Francyi razhledzieć pytańnie ab zabaronie rasijskim i biełaruskim spartsmienam pryjezd u Francyju dla ŭdziełu ŭ Alimpijskich hulniach, jakija projduć uletku.
Zaklik inicyjavaŭ padkamitet pa sporcie Siejma, jaho padpisali 80 parłamientaryjaŭ. List deputataŭ Siejma adrasavany prezidentu Francyi Emanuelu Makronu, siabram Nacyjanalnaha schoda Respubliki i Sienata, piša Delfi.lv.
«Situacyja składanaja, ale my pavinny vyrazna praciahvać vykazvać svaju pazicyju suprać rašeńnia MAK dapuścić spartsmienaŭ z Rasii i Biełarusi da ŭdziełu ŭ Alimpijadzie ŭ Paryžy ŭ jakaści niejtralnych spartsmienaŭ. Heta niedapuščalna, tamu varta šukać usie mahčymyja sposaby, kab nie dapuścić ujezd i ŭdzieł rasiejcaŭ i biełarusaŭ u Hulniach u Paryžy», — padkreśliŭ staršynia padkamiteta pa sporcie Davis Marcińš Daŭhavijecis.
Na dumku deputataŭ Siejma, «Zajava Mižnarodnaha alimpijskaha kamiteta (ab dopusku ŭ niejtralnym statusie) biezadkazna i nieprymalna», tamu jany zaklikajuć Francyju acanić mahčymaść i pryniać nieabchodnyja miery, kab spartoŭcy z RF i RB nie ŭdzielničali ŭ Alimpijskich i Paralimpijskich hulniach.
Raniej niekalki łatvijskich spartoŭcaŭ (u tym liku i čempijony AH-2022 pa baskietbole 3ch3) zajavili, što buduć bajkatavać Alimpijadu-2024, kali na jaje dapuściać Rasiju i Biełaruś.
U Siejmie dapuskajuć, što, kali MAK nie źmienić svajho rašeńnia, padobnych zajaŭ možna budzie čakać i ad spartoŭcaŭ ź inšych krain Jeŭropy.
-
Eks-trenier zbornaj Biełarusi: Chopić vysłužvacca pierad pačvarami. Rasija pavinna abjadnoŭvać i vyrašać, chto budzie vystupać na mižnarodnaj arenie
-
Hulni na Nacyjanalnym futbolnym stadyjonie chočuć zapuścić matčam z Rasijaj
-
«Šampuń-hiejt». Na spabornictvach pa skačkach na łyžach z tramplina zdaryŭsia seksiscki skandał
Siłaviki pachvalilisia, što ŭzłamali telehram-akaŭnt Kabančuka, i apublikavali dokazy6
Kamientary