«Chistaŭsia pierš čym sieści za rul». U Polščy biełarus i ŭkrainka papalisia na pjanaj pajezdcy ŭ adnoj mašynie
Pra cikavy vypadak, kali ŭ adnym aŭtamabili akazalisia adnačasova adrazu dva niećviarozyja kiroŭcy, paviedamiła dniami polskaja palicyja.
U Biełastoku vartavym paradku pastupiŭ zvanok ab tym, što ad načnoha kłuba ŭ centry horada adjechaŭ na Ford pjany mužčyna. Jon chistaŭsia pierš čym sieści za rul. Patrul spyniŭ transpartny srodak. Ale vyśvietliłasia, što ŭ toj momant kiravała im žančyna — 32-hadovaja ŭkrainka, a ŭ sałonie znachodzilisia dvoje pasažyraŭ — mužčyna i žančyna, paviedamlaje sajt «Biełaruś i śviet».
Va ŭkrainki ŭ arhaniźmie znajšli bolš za 1 pramile. Jana raspaviała pravaachoŭnikam, što krychu raniej la načnoha kłuba mužčyna prapanavaŭ joj ź siabroŭkaj advieźci ich dadomu.
Prajechaŭšy trochi, jon zajaviŭ, što pjany, i što mašynu lepš vieści ŭkraincy. Pa słovach žančyny, niahledziačy na tłumačeńnie, što taksama piła, praz paru chvilin jana ŭsio ž sieła za rul.
Mužčynam u sałonie akazaŭsia 39-hadovy biełarus. Ałkatestar pakazaŭ stupień jaho apjanieńnia kala 1,5 pramile. Jon śćviardžaŭ, što ŭ jaho jość pravy, ale pry im ich nie akazałasia.
I žančynu, i mužčynu pakinuli praćvierazicca ŭ adździaleńni. Mašynu pastavili na palicejskaj stajancy. Za kiravańnie ŭ pjanym vyhladzie moža pahražać da 3 hadoŭ pazbaŭleńnia voli.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»36
Kamientary