«Chałaściak biez vyšejšaj adukacyi». U Biełarusi vyznačyli partret typovaha piedafiła
U Śledčym kamitecie Biełarusi dali kryminałahičnuju charaktarystyku piedafiła. Pradstaŭnik viedamstva Juryj Varaŭka raskazaŭ pra niekatoryja ahulnyja charaktarystyki, časta ŭłaścivyja dla takoj katehoryi złačyncaŭ, piša BiełTA.
«94% asob, jakija ździajśniajuć pałavyja złačynstvy ŭ dačynieńni da dziaciej, nie majuć vyšejšaj adukacyi. Heta značyć, u ich bazavaja, siaredniaja abo siaredniaja śpiecyjalnaja adukacyja.
Akramia taho, asobami, jakija znachodziacca ŭ šlubie, ździajśniajecca kala 40% takich złačynstvaŭ», — adznačyŭ pradstaŭnik Śledčaha kamiteta. Juryj Varaŭka dadaŭ, što astatnija 60% — heta albo chałastyja, albo raźviedzienyja.
Vyłučyŭ jon i asnoŭnyja pryčyny takich złačynstvaŭ: ałkahalizm, razbeščanaść, seksualnaja niezdavolenaść, adznačyŭšy pry hetym, što piedafilija źjaŭlajecca psichičnym zachvorvańniem.
«Choć my havorym pra piedafiliju, my pavinny zmahacca mienavita z pryčynami. Asnoŭnaja masa tych, chto ździajśniaje pałavyja złačynstvy ŭ dačynieńni da dziaciej, — ludzi, jakija prosta nie bačać miežaŭ abo nie mohuć siabie kantralavać», — zajaviŭ Juryj Varaŭka.
Čytajcie taksama:
«Tajemny klijent» sačyŭ za haściami «vostrava piedafiłaŭ» Epštejna pa sihnale ich telefonaŭ
Hienprakuratura ŭziałasia za «narmalizacyju» nietradycyjnych adnosin
U Mahilovie raskryli rezanansnaje zabojstva 11-hadovaj dziaŭčynki, što adbyłosia 25 hadoŭ tamu
Akaŭnt Kabančuka ŭzłamali — ale ci biełaruskija śpiecsłužby?11
Kamientary