Na aŭkcyjonie ŭ Smalavičach buduć bicca za prava zdabyvać hadziuk
19 červienia ŭ budynku Smalavickaha rajvykankama adbudziecca aŭkcyjon pa nabyćci prava na narychtoŭku i zakupku zvyčajnaj hadziuki — adzinaj atrutnaj źmiai, jakaja žyvie ŭ Biełarusi. Pačatkovaja cana prodažu — 2000 rubloŭ z zadatkam u 400 rubloŭ, paviedamlajuć smolevichi-24.by.
Da ŭdziełu ŭ aŭkcyjonie dapuskajucca jurydyčnyja asoby abo indyvidualnyja pradprymalniki.
Pradmiet cikavaści patencyjnych kupcoŭ — nie sama źmiaja jak takaja, a jaje atruta, jakaja maje niemałoje pramysłovaje značeńnie. Na asnovie źmiainaj atruty vyrablajuć leki i kaśmietyku, u tym liku hieli i mazi pry bolach u sustavach, kremy i maski ad marščyn, preparaty dla dyjahnostyki redkich zachvorvańniaŭ i syrovatki z supraćjadnym dziejańniem pry ŭkusach paŭzunoŭ.
Śćviardžajecca, što dojka hadziučaj atruty zusim biaśpiečnaja dla samich hadziuk. Atrutu źbirajuć i sušać pry peŭnaj tempieratury da stanu kryštalaŭ. U takim vyhladzie ŭ ciomnym miescy ŭ chaładzilniku jana zachoŭvajecca da 30 hadoŭ biez straty svaich ułaścivaściaŭ.
Minčanka vyhulvała źmiaju prosta ŭ dvary: «Spačatku, viadoma, siekundny šok, ale potym usie iduć jaho ciskać»
«Jon staić, a na šyi zamatanaja vializnaja źmiaja». Biełaruski piacikłaśnik raskazaŭ pra svaich niezvyčajnych chatnich hadavancaŭ
Pad Lachavičami ŭ viaskovuju kramu prypaŭzła źmiaja. Daviałosia vyklikać ratavalnikaŭ
«Ciabie b baćka praklaŭ»: u Barysavie šyrycca sapraŭdnaja pryčyna maŭčańnia Hienadzia Skitava, centralnaj fihury «małočnaj spravy»2
Kamientary