Kala 40% vypadkaŭ demiencyi možna praduchilić, ličać daktary.
Kala 60% vypadkaŭ demiencyi pravakujuć niaźmiennyja pryčyny: uzrost, žanočy poł, hienietyčnaja schilnaść.
I 40% składajuć źmiennyja faktary ryzyki — ład žyćcia, zachvorvańni (asnoŭnyja try — dyjabiet, sardečna-sasudzistyja chvaroby i atłuścieńnie).
Pry hetych patałohijach, jak praviła, ciarpić sasudzistaja sistema čałavieka, u tym liku sasudy hałaŭnoha mozhu, piša partał 24health.by.
«Što ŭpłyvaje na zdaroŭje našaha hałaŭnoha mozhu? Arteryjalnaja hipiertenzija, cukrovy dyjabiet, chvaroby serca, ateraskleroz, inšyja chvaroby sasudzistaj sistemy. Hetyja patałohii na 100% akazvajuć upłyŭ na sasudy hałaŭnoha mozhu.
Kali b usie prytrymlivalisia zdarovaha ładu žyćcia, vykonvali rekamiendacyi daktaroŭ i sačyli za svaim zdaroŭjem, možna było b praduchilić 6,2 młn vypadkaŭ demiencyi», — kaža hałoŭny pazaštatny śpiecyjalist pa hieryjatryi Minzdaroŭja Ludmiła Žylevič.
Jašče adzin faktar raźvićcia demiencyi — adzinota. Samotny čałaviek niaredka pakutuje na depresiju, stres, niedachop žyvych znosin. Čaściakom jaho najlepšy «siabar» — tolki televizar. Bolš za toje, adzinota akazvaje ŭpłyŭ i na inšyja hieryjatryčnyja sindromy — hipadynamiju, indeks masy cieła i h.d., što viadzie da patałahičnaha stareńnia.
Za prajavaj demiencyi moža chavacca šmat inšych prablem sacyjalnaj i psichałahičnaj śfiery čałavieka. Mienavita tamu za čałaviekam nazirajuć bolš za 6 miesiacaŭ, pierš čym vystavić dyjahnaz. Razam z tym, bolš za 41% pacyjentaŭ prychodziać da doktara paśla bolš čym dvuch hadoŭ praciakańnia chvaroby, kali ŭžo niemahčyma zapavolić jaje prahresavańnie.
-
Minzdaroŭja: Rost zachvorvańniaŭ na vostryja reśpiratornyja infiekcyi čakajecca ŭ kancy studzienia — lutym
-
«Ja hladzieła na siabie hołuju ŭ lusterku i kazała: «Źmirysia!» Lucyja Hieraščanka raspaviała pra svoj dośvied z «Azempikam»
-
Nie ŭsie ŭltraapracavanyja pradukty adnolkava škodnyja. Niekatoryja možna śmieła jeści
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»35
Kamientary