Raspuściłasia kamanda rasijskaha kanała Brief z 560 tysiačami padpisčykaŭ. Padziei ŭ Biełarusi tam aśviatlali vačyma Bałkunca
Kiraŭnictva rasijskaha telehram-kanała Brief abvieściła, što spyniaje svaju pracu paśla taho, jak ich pryznali «zamiežnymi ahientami». Jany zajavili pra niemahčymaść dalejšaj pracy ŭ novych umovach.
Brief — ahrehatar navinaŭ, jaki mieŭ davoli vialikuju kolkaść padpisčykaŭ. Hety kanał byŭ admietny tym, što davoli padrabiazna aśviatlaŭ i biełaruski infarmacyjny paradak dnia. Pryčym čytačy Brief hladzieli na Biełaruś vačyma palityka Dźmitryja Bałkunca.
Z 2020 — taho času, kali Bałkuniec pačaŭ svaju palityčnuju aktyŭnaść — Brief pierastaŭlaŭ dopisy ź jaho kanała bolš za 250 razoŭ. Jašče kala 50 razoŭ na jaho spasyłalisia. Astatnich biełaruskich palitykaŭ Brief zhadvaŭ našmat radziej.
Brief stvarała kamanda žurnalistaŭ, krytyčna nastrojenych da Pucina. Niekatoryja ź ich pracavali ŭ biznes-vydańni RBK, niekatoryja pryjšli ŭ žurnalistyku z apazicyjnaha aktyvizmu.
A voś pytańnie pra haspadara Brief adkrytaje. U roznych rasijskich ŚMI kanał źviazvali z karparacyjaj «Rastech», nazyvali praŭładnym. Adnak paćviardžeńniaŭ hetamu nie było. Paśla sumlennaha aśviatleńnia situacyi ŭ Kurskaj vobłaści Brief pryznali «zamiežnym ahientam».
Vyhladaje, što Brief ciapier zhornie aktyŭnaść, pačnie pracavać ananimna, ale nie zakryjecca całkam. Prynamsi na ciapierašni momant kanał praciahvaje abnaŭlacca.
Bałkuniec: Davajcie voźmiem Cichanoŭskuju, pajedziem na miažu i chto-niebudź siabie kajdankami da čyhunki pryčepić
Bałkuniec i Usaŭ raskazali rasijskamu ŚMI pra absalutny pravał Cichanoŭskaj pa ŭsich frantach
«Dla jaho Łukašenka — biełaruski nacyjanalist». Čym viadomy rasijski palitołah Andrej Suzdalcaŭ
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary
Staŭleńnie da biełaruskaj i rasiejskaj movy - łakmusavaja papierka. Asabliva vydatna bačna na prykładzie "novaj apazicyi", siarod jakoj dachalery abaroncaŭ rasiejskaha.