Artyst baleta Siarhiej Pałunin zajaviŭ, što źjedzie z Rasii, tamu što «duša adčuvaje siabie nie tam, dzie pavinna być». Jon byŭ davieranaj asobaj Pucina na apošnich vybarach. Na jaho hrudziach — tatu z prezidentam Rasii.
«Dziakuj za ŭsio, što zrabiła dla mianie Rasija. Prychodzić čas, i duša adčuvaje siabie nie tam, dzie pavinna być. Daŭno moj čas u Rasii skončyŭsia jak byccam na hety momant ja svaju misiju tut vykanaŭ», — napisaŭ artyst u sacsietkach.
Pałunin dadaŭ, što pakul nie viedaje, kudy mienavita pajedzie dalej. «Spadziajusia tolki na toje, kab duša była spakojnaja i na svaim miescy. Siamja była ščaślivaja i było cikava», — napisaŭ jon.
Pałunin naradziŭsia ŭ Chiersonie i atrymaŭ adukacyju ŭ Kijeŭskim chareahrafičnym vučyliščy.
Pałunin byŭ premjeram Karaleŭskaha baleta ŭ Łondanie. Z 2019-ha pa 2024 hod byŭ vykonvajučym abaviazki rektara Akademii chareahrafii Sievastopala. U 2018 hodzie Pałunin atrymaŭ hramadzianstva Rasii.
Siarhiej Pałunin padtrymlivaŭ palityku Pucina, byŭ davieranaj asobaj taho na apošnich vybarach, u jaho jość tatuiroŭki z vyjavaj prezidenta Rasii, a ŭ sacsietkach — zbory na rasijskich vajskoŭcaŭ dla vajny va Ukrainie.
Uletku Pałunin zajaŭlaŭ, što za im sočać i dasyłajuć «niesankcyjanavanyja» pasyłki: «Nie viedaju, vybuchnie heta kaliści ŭ moj tvar ci nie. Čas pakaža. Nie daj Boh, kab z majoj žonkaj niešta zdaryłasia, ci maimi dziećmi ci hetak dalej. Hetaha dapuścić ja nie mahu», — kazaŭ artyst.
«Ciabie b baćka praklaŭ»: u Barysavie šyrycca sapraŭdnaja pryčyna maŭčańnia Hienadzia Skitava, centralnaj fihury «małočnaj spravy»2
Kamientary