U Mahilovie kasirka vyklikała milicyju na pradaŭca valuty, bo dalary nie chruścieli
Mahiloviec zdaŭ u abmieńnik dla abmienu čatyry kupiury pa 100 dalaraŭ. Bankaŭski rabotnik, z-za adsutnaści charakternaha chrustu papiery zapadozryŭšy niadobraje, vyklikaŭ milicyju.
Klijent banka rastłumačyŭ, što hetymi kupiurami ź im raźličylisia za pracu, i jon znachodziŭsia va ŭpeŭnienaści, što hrošy niefalšyvyja. Dla vyrašeńnia pytańnia ab sapraŭdnaści «sumniŭnych» hrašovych biletaŭ ich nakiravali ŭ Mahiloŭski mižrajonny adździeł Dziaržaŭnaha kamiteta sudovych ekśpiertyz.
Pa vynikach praviedzienaha daśledavańnia ekśpiert pryjšoŭ da vysnovy, što čatyry kupiury vyrableny pradpryjemstvami, jakija ažyćciaŭlajuć vytvorčaść pradukcyi hetaha vidu, — inšymi słovami, źjaŭlajucca sapraŭdnymi.
Što tyčycca adsutnaści charakternaha chrustu, ekśpierty tłumačać, što z-za ŭmoŭ zachoŭvańnia i praciahłaha vykarystańnia papiera hrašovych biletaŭ moža mianiać svaje ŭłaścivaści, dadzienaja akaličnaść moža ŭvodzić hramadzian u zman. Tady treba źviarnucca da ekśpiertaŭ.
Kamientary