Kandydat u prezidenty ad kamunistaŭ zaklikaje zabrać i padzialić majomaść apazicyjanieraŭ
Pieršy sakratar CK praŭładnaj Kamunistyčnaj partyi Biełarusi Siarhiej Syrankoŭ, jaki ciapier jakraz bałatujecca ŭ jakaści sparynh-partniora Łukašenki na prezidenckich vybarach, u kamientary vydańniu Tochka.by vystupiŭ z «jastrabinaj» pazicyjaj u dačynieńni da paliźniavolenych i praciŭnikaŭ dziejnaj ułady za miažoj.
Pavodle słoŭ Syrankova, jahonaja partyja «razumieje miłasernaść prezidenta, ale vystupaje za aściarožnaść» u pracesie pamiłavańniaŭ adnosna palitźniavolenych, jakich za apošnija hady było niekalki chvalaŭ, a pra apošniuju adnosna 20 čałaviek paviedamili siońnia.
«Zrazumieła, što spatyknucca moh kožny, ale ŭ KPB majecca vialiki skieptycyzm u ščyraści raskajańnia pamiłavanych asob. Majecca mnostva faktaŭ, kali asoby, asudžanyja za ekstremizm, jakija vyjšli z turmaŭ, paśla vyjazdžali za miažu i dałučalisia da ekstremisckich arhanizacyj», — zajaviŭ Syrankoŭ.
Palityčnaja emihracyja atrymała ad jaho nie mienš rezkuju acenku:
«U palityčnym płanie jany maryjanietki zamiežnych śpiecsłužbaŭ i zdradniki. Tamu ni pra jaki ŭpłyŭ maryjanietak nie moža iści i havorki. Jany źjaŭlajucca «palityčnymi trupami», adčužanymi ad biełaruskaha naroda».
A kali tak, to lidar maryjanietkavych kamunistaŭ zaklikaje kanfiskavać u apanientaŭ ułady ŭsiu majomaść i razdać jaje «šmatdzietnym siemjam, jakija majuć patrebu».
Apublikavanyja dekłaracyi kandydataŭ u prezidenty. Kolki ŭ Łukašenki, a kolki ŭ astatnich?
Kandydatami ŭ prezidenty zarehistravali Łukašenku i ŭsich čatyroch jaho sparynh-partnioraŭ
Kamunist Syrankoŭ pachvaliŭsia, što sabraŭ 170 tysiač podpisaŭ
Biełarusaŭ prymušajuć padpisvacca nie tolki za Łukašenku, ale i jaho sparynh-partnioraŭ na vybarach
Kamunist Syrankoŭ usimi siłami dakazvaje svaju fiktyŭnaść: pachvaliŭsia, što pastaviŭ podpis za Łukašenku
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1212
Kamientary