Honščyka Formuły-1 Maziepina, syna miljardera biełaruskaha pachodžańnia, abvinavačvajuć u zhvałtavańni eskortnicy
Adna ź dziaŭčat śćviardžaje, što była źbitaja i zhvałtavanaja, paśla taho jak admoviłasia zajmacca seksam biez preziervatyva i chacieła pajści.
Pra tajamnicy siamji aliharcha Dźmitryja Maziepina raskazvaje telehram-kanał «VČK-OHPU». Pa źviestkach kanała, jaho 25-hadovaha syna Mikitu Maziepina nie raz abvinavačvali ŭ hvałcie dziaŭčat.
Takija historyja byli niepubličnymi, bo paśla ich padklučajecca słužba biaśpieki Maziepina-starejšaha, jakaja vyrašaje ŭsie pytańni pahrozami i hrašyma.
Mikita Maziepin — rasijski honščyk «Formuły-1». Jon taksama zasnavaŭ Fond dapamohi spartsmienam, adchilenym ad spabornictvaŭ pa niespartyŭnych pryčynach. Z 2022 pa 2024 hod byŭ pad piersanalnymi sankcyjami Vialikabrytanii, Ukrainy i Šviejcaryi.
«VČK-OHPU» apisvaje adnu z historyj, jakaja adbyłasia dva hady tamu.
U mai 2022-ha praz dyśpietčara ŭ apartamienty ŭ Maskva-Sici była vyklikanaja dziaŭčyna Vika. Tam jaje čakaŭ małady čałaviek, jakoha zvali Mikita, dva jaho siabry i dva achoŭniki.
Mikita, znachodziačysia va ŭzbudžanym stanie, pavodziŭ siabie vielmi hruba. Dziaŭčyna kateharyčna admoviłasia zajmacca seksam biez preziervatyva i chacieła pajści. Ale małady čałaviek uziaŭ pistalet u adnaho z achoŭnikaŭ, nanios dziaŭčynie niekalki ŭdaraŭ pa hałavie i ciele. Paśla hetaha paciarpiełuju, pa jaje słovach, pa čarzie zhvałtavali Mikita i jaho siabar.
Paśla taho, što zdaryłasia, jana vyrašyła źniać na videa tych, chto napadaŭ. U vyniku Mikita adabraŭ u jaje telefon i raźbiŭ, a dziaŭčynu vykinuŭ z apartamientaŭ. Taja ŭ ślazach sieła ŭ taksi, kiroŭca, ubačyŭšy, u jakim jana stanie, advioz jaje ŭ traŭmapunkt. Vika napisała zajavu ŭ palicyju.
Adnačasova jana napisała pra toje, što zdaryłasia, u hrupu, dzie eskortnicy raspaviadajuć ab prablemnych klijentach. Da taho času jana jašče nie viedała, kim źjaŭlaŭsia hety «Mikita».
Vyśvietliłasia, što pierad paciarpiełaj da Mikity pryjazdžała inšaja dziaŭčyna i źbiehła praz ahresiŭnyja pavodziny maładoha čałavieka.
Dziaŭčaty vyśvietlili, što ich kryŭdziciel — Mikita Maziepin. Jašče niekalki dziaŭčat raspaviali ŭ hrupie, što sutykalisia z anałahičnymi vypadkami hvałtu z boku Maziepina, jak u Maskvie, tak i ŭ Kuršavieli.
U 2020-m Mikita Maziepin užo traplaŭ u skandał. Tady jon u sacsietki vykłaŭ videa, jak žartam prystavaŭ da dziaŭčyny ŭ mašynie, a taja, vyhladaje, sama sprabuje jaho spakusić. Toje videa honščyk chutka vydaliŭ, a paśla vybačyŭsia za svaje pavodziny.
Baćka honščyka, miljarder i ŭładalnik «Urałchima» Dźmitryj Maziepin, rodam ź Minska i vučyŭsia ŭ Minskaj suvoraŭskaj vučelni. U Minsku sioleta zatrymlivali jaho partnioraŭ, ale chutka adpuścili. Niekalki hadoŭ tamu Raman Pratasievič u intervju ANT paśla svajho pryziamleńnia śćviardžaŭ, što telehram-kanał «Niechta» spansiravaŭ niejki rasijski miljarder, źviazany z Urałam i zdabyčaj karysnych vykapniaŭ. Pad hetaje apisańnie padpadaŭ Dźmitryj Maziepin. Tady heta, adnak, padałosia zrežysavanaj zajavaj ź niejkimi nievidavočnymi metami. Sam Maziepin paśla zajaviŭ, što jon i jaho kampanii nikoli nie finansavali telehram-kanał «Niechta».
56-hadovuju palitźniavolenuju z Pružanaŭ, u jakoj dačka siadzić, a ziać adsiedzieŭ, adpuścili na chatniuju chimiju1
Kamientary