Ilcham Alijeŭ nazvaŭ Armieniju fašysckaj dziaržavaj i zaklikaŭ «źniščyć fašyzm»
Prezident Azierbajdžana Ilcham Alijeŭ 7 studzienia ŭ intervju miascovym telekanałam karystaŭsia vielmi rezkaj rytorykaj u dačynieńni da susiedniaj Armienii.
Alijeŭ adznačyŭ, što Armienija, maŭlaŭ, źjaŭlajecca krynicaj pahrozy dla rehijonu i što niezaležnaja armianskaja dziaržava pa sutnaści nibyta fašysckaja.
Hetaj krainaj, jak śćviardžaje Alijeŭ, na praciahu amal 30 hadoŭ kiravali nośbity fašysckaj ideałohii, jakija sfarmavali hetuju krainu pa svaim padabienstvie. A tamu, na jahonuju dumku,
«fašyzm pavinien być źniščany. Jaho źniščyć albo kiraŭnictva Armienii, albo my. Inšaha vyjścia ŭ nas niama».
Alijeŭ taksama zajaviŭ, što Armienija nie pavinna «być hieahrafičnaj pieraškodaj» pamiž Turcyjaj i Azierbajdžanam, znoŭ pryhraziŭšy adkryćciom tak zvanaha «Zanhiezurskaha kalidora» na poŭdni Armienii, kab złučyć asnoŭnuju terytoryju Azierbajdžana z Nachičevanskim ankłavam i Turcyjaj.
Hetyja vykazvańni rabilisia Alijevym u śviatle prablemy zaklučeńnia pamiž dźviuma dziaržavami mirnaj damovy. Prezident Azierbajdžana padkreśliŭ, što jaho zaklučeńnie zastajecca pad pytańniem.
«Kali mirnaja damova nie patrebnaja Jerevanu, to i Baku moža abyścisia bieź jaje», — zajaviŭ Ilcham Alijeŭ.
Jerevan i Baku pačali abmierkavańnie budučaj mirnaj damovy ŭ 2022 hodzie. U Prazie 6 kastryčnika 2022 hoda byŭ padpisany dakumient, zhodna ź jakim Armienija i Azierbajdžan paćvierdzili svaju prychilnaść Statutu AAN i Ałma-Acinskaj dekłaracyi 1991 hoda. U hetych dakumientach baki pryznajuć terytaryjalnuju cełasnaść i suvierenitet adzin adnaho.
Hety dakumient staŭ asnovaj dla pracy kamisij pa delimitacyi. U 2024 hodzie Armienija nieadnarazova prapanoŭvała padpisać 13 uzhodnienych punktaŭ prajekta mirnaj damovy, pakinuŭšy niavyrašanyja pytańni dla dalejšych abmierkavańniaŭ. Adnak Azierbajdžan adchiliŭ hetuju prapanovu.
Ciapier baki praciahvajuć pracu nad 11-m pakietam prapanoŭ. Apošniaja (dziasiataja) sustreča kamisij pa delimitacyi miažy adbyłasia ŭ listapadzie 2024 hoda.
Nikoł Pašynian zajaviŭ pra hatoŭnaść nieadkładna padpisać mirnuju damovu z Azierbajdžanam
Armienija nie źbirajecca viartać pasła ŭ Minsk
Alijeŭ znoŭ rezka prajšoŭsia pa Rasii za źbity samalot: My patrabujem čałaviečych pavodzin
«Pieršyja try dni my nie čuli ad Rasii ničoha, akramia varjackich viersij». Alijeŭ patrabuje ad Rasii vybačeńniaŭ i pryznańnia viny
Pratasievič jeździŭ da Babaryki ŭ kałoniju niekalki razoŭ6
Kamientary