10 faktaŭ, jakimi Siarhiej Sidorski zapomnicca na pasadzie premjer-ministra

Napiaredadni staroha Novaha hoda ŭspaminajem kiraŭnika ŭrada, jaki pajšoŭ u adstaŭku ŭ samym kancy śniežnia.

1. Sidorski 5 hadoŭ karystaŭsia adnoj šarykavaj asadkaj

Prynamsi, heta vynikaje ź jaho słovaŭ. U 2009 hodzie prem'jer-ministr zapatrabavaŭ u Minfina i miascovych finorhanaŭ radykalna skaracić vydatki i raskazaŭ, jak sekanomić miljony dalaraŭ na kanctavarach.

— Ź siońniašniaha dnia ja zabaraniaju praviadzieńnie takich (niepieršačarhovych) płaciažoŭ u krainie… Ja nastojliva rekamienduju nijakich takich mierapryjemstvaŭ ź siońniašniaha dnia — pačynajučy ad mašyn i zakančvajučy ałoŭkami. Voś u mianie asadka 5 hadoŭ u kišeni — vy taksama tak rabicie.

Viadomy i inšy fakt ścipłaści i bieražlivaści prem'jer-ministra. U 2006-m jon i premjer Ukrainy Viktar Janukovič prylacieli na viertalotach papalavać u Nacyjanalny park «Brasłaŭskija aziory». Janukovič zastreliŭ dzika vahoj u 300–320 kiłahramaŭ, Sidorski, jak i było zadumana, abmiežavaŭsia kabančykam u 60 kh.

2. Padčas adpačynku Sidorski naviedvaŭ teatry i muziei

Pra luboŭ biełaruskich vysokapastaŭlenych čynoŭnikaŭ da mastactva da Siarhieja Sidorskaha čuć nie davodziłasia. Z bolšaj achvotaj jany pa prykładzie kiraŭnika dziaržavy ŭstavali na łyžniu. A ŭ 2008 hodzie stała viadoma, što prem'jer-ministr padčas adpačynku dva dni… naviedvaŭ muziei i teatry ŭ Sankt-Pieciarburhu.

Niališnim budzie dadać, što Siarhiej Sidorski atrymlivaŭ asałodu ad tvoraŭ mastactva razam ź siamjoj.

3. Sidorski źjaŭlaŭsia na ludziach z žonkaj Ludmiłaj

Kali ŭ cyvilizavanych krainach źjaŭleńnie čynoŭnikaŭ na ludziach z žonkami zvyčajnaja praktyka, to ŭ Biełarusi heta niešta nievierahodnaje. Z całkam zrazumiełych pryčynaŭ — vyłučacca na fonie «samotnaha vaŭka» Alaksandra Łukašenki ryzyknie nie kožny. A Siarhiej Sidorski, vidavočna, ryzyknuŭ.

Nie skazać kab jaho bačyli z žonkaj časta, ale čas ad času heta zdarałasia. Naprykład, elehantnaja Ludmiła Sidorskaja była zaŭvažanaja z mužam na znakavych futbolnych (nie chakiejnych!) matčach Biełaruś-Arhientyna i Biełaruś-Anhlija. A dačka prem'jer-ministra Aksana niejak pryznałasia: u tym, što tata schudnieŭ, pierš za ŭsio zasłuha jaho žonki.

Žonka prem'jer-ministra viała i dosyć aktyŭnaje samastojnaje žyćcio. «Naviedvaju mierapryjemstvy, źviazanyja z dabračynnaściu — dapamohaj dzieciam, i modaj», — raskazała ŭ intervju «Salidarnaści» Ludmiła Sidorskaja.

4. Sidorski adnačasova prajaŭlaŭ siabie jak saviecki i jak sučasny kiraŭnik

Heta možna prasačyć navat pa zajavach byłoha prem'jer-ministra.

— Ja ŭ kramie ŭčora braŭ italjanskija pamidory, z ulikam zachoŭvańnia i transpartnych vydatkaŭ jany kankurentazdolnyja ź biełaruskaj pradukcyjaj, — skazaŭ niejak na pasiedžańni prezidyuma ŭrada prem'jer-ministr. I dalej zrabiŭ tradycyjnyja dla pradstaŭnika sistemy vysnovy: prapanavaŭ pakarać pa ŭsioj strohaści kiraŭnika Biełkaapsajuza.

Ź inšaha boku, Siarhiej Sidorski vielmi adnaznačna vykazaŭsia pra jakaść biełaruskaj sistemy kiravańnia: «Nieabchodna padymać čynoŭnikaŭ ź miesca, a chto sumniajecca — sadžać u samalot i pakazać, jak pracuje ŭvieś śviet».

5. Sidorski «prarvaŭsia» ź vizitami ŭ jeŭrapiejskija stalicy

Druhi termin Siarhieja Sidorskaha na čale ŭrada prypaŭ na pieryjad libieralizacyi i dyjałohu ź Jeŭropaj. Dla eks-premjera na zajzdraść jaho papiarednikam rasčynilisia dźviery niekatorych jeŭrapiejskich stalic — vieści pieramovy niepasredna z «apošnim dyktataram» kantynienta ŭsio ž saromielisia.

Siarhiej Sidorski, u pryvatnaści, pabyvaŭ z pracoŭnymi vizitami ŭ Varšavie, Ryzie i Łondanie — tam, kudy navat u pieryjad libieralizacyi nie stupała naha kiraŭnika dziaržavy. Tym časam pajezdka Łukašenki ŭ Vilniu padavałasia jak hrandyjoznaja padzieja.

6. Sidorskamu nieadnarazova pastupali prapanovy zamianić Łukašenku

Čaściej za ŭsio zakliki da Sidorskaha adchilić Łukašenku ad ułady hučali paśla prezidenckich vybaraŭ 2006-ha. Spačatku z turmy na svabodu dasłaŭ list Alaksandr Kazulin. Jon zajaviŭ, što «19 vieraśnia 2006 h. zakančvajecca lehitymnaść pa ŭsich padstavach, i de-jure i de-fakta, dziejnaha prezidenta Łukašenki».

Zatym eks-staršynia Savieta Respubliki Alaksandr Vajtovič zaklikaŭ Siarhieja Sidorskaha z 21 vieraśnia stać «harantam zachavańnia Kanstytucyi i zakonaŭ krainy».

Praź niekalki miesiacaŭ da prem'jer-ministru znoŭ źviarnuŭsia Alaksandr Kazulin.

«Pavažany Siarhiej Siarhiejevič!.. Nadyšła mienavita Vaša histaryčnaja hadzina — pryniać adkaznaść u strohaj adpaviednaści z Kanstytucyjaj za dalejšaje raźvićcio situacyi i budučyniu Biełarusi na siabie… Vam nie treba sychodzić u adstaŭku, a aficyjna ŭziać styrno kiravańnia krainaj u svaje ruki, jak v.a. prezidenta», — napisaŭ Kazulin.

Reakcyi Sidorskaha na hetyja i inšyja anałahičnyja prapanovy, naturalna, nie było.

7. Niahledziačy na svoj vysoki status, Sidorski nie hanaravaŭsia ni adnoj biełaruskaj dziaržaŭnaj uznaharodaj

Novy prem'jer-ministr Biełarusi Michaił Miaśnikovič užo ŭznaharodžany ordenami «Znak Pašany», Ajčyny III stupieni, Družby (Rasijskaja Fiederacyja). Padčas znachodžańnia Siarhieja Sidorskaha na čale ŭrada jaho pieršy namieśnik Uładzimir Siamaška byŭ uznaharodžany ordenam Pašany, kiraŭnik Nacbanka Piotr Prakapovič — i zusim staŭ Hierojem Biełarusi. A voś u Siarhieja Sidorskaha, miarkujučy pa aficyjnaj bijahrafii, za ŭsiu karjeru nie było nivodnaj dziaržuznaharody.

Adzinaja jaho miedal atrymanaja z ruk Juryja Łužkova — «Za zasłuhi pierad Maskvoj».

8. Sidorski mieŭ dobryja adnosiny z Pucinym, jaki «ciarpieć nie moža» Łukašenku

Prynamsi, tak pryniata ličyć.

— Adčuvaju, jaho Pucin palubiŭ mocna, chaciełasia b daviedacca, za što, — zajaviŭ niejak kiraŭnik radyjo «Echo Moskvy» Alaksiej Vieniedyktaŭ, kažučy pra Sidorskaha. Moža, praz toje, što Pucin ciarpieć nie moža Łukašenku?

U apošnija hady Siarhiej Sidorski, damaŭlajučysia pra ceny na haz i inšaje, mieŭ mnostva sustreč z rasijskim prem'jer-ministram. Tamu kali ŭ kancy 2010 hoda jon zajaviŭ pra padarunak Pucinu, ździvilisia nie mocna.

— Davajcie voźmiem, prymiem rašeńnie i padorym jamu da Novaha hoda chaładzilnik, — skazaŭ Sidorski, adkazvajučy na pytańnie ab tym, kali nastanie momant, kali ŭ rasijskaha premjera doma budzie chaładzilnik «Minsk» abo «Atłant». Ci paśpieŭ jon padnieści padarunak rasijskamu prem'jer-ministru, nieviadoma.

9. Sidorski ŭ prysutnaści Pucina aburyŭsia tym, što jaho krainu nazvali «Biełarusijaj»

U śniežni 2009 hoda Siarhiej Sidorski, znachodziačysia ŭ Sankt-Pieciarburhu, vykinuŭ kalenca, jakoha ad jaho, napeŭna, nichto nie čakaŭ. Išło pasiedžańnie Najvyšejšaha orhana Mytnaha sajuza Rasii, Biełarusi i Kazachstana, namieśnik ministra ekanamičnaha raźvićcia RF Andrej Ślapnioŭ mirna vystupaŭ pierad premjerami troch dziaržavaŭ z prezientacyjaj. Jak tolki toj skončyŭ vystup, Siarhiej Sidorski zajaviŭ:

— Jość adna zaŭvaha — naša kraina nazyvajecca nie Biełarusija, a Biełaruś.

Paśla hetych słovaŭ Sidorski vyjšaŭ z zały ŭ atačeńni Pucina i prem'jer-ministra Kazachstana Masimava, paviedamlała «Rasijskaja hazieta».

10. Sidorski syšoŭ u adstaŭku paśla taho, jak Łukašenka zapadozryŭ u im palityka

U siaredzinie 2010 hoda pamiž Sidorskim i Łukašenkam adbyłasia niečakanaja sutyčka. Na naradzie, pryśviečanaj vynikam pracy ekanomiki ŭ pieršym paŭhodździ, prem'jer-ministr źviarnuŭsia da kiraŭnika dziaržavy ź inicyjatyvaj «nizoŭ» adsunuć terminy pahašeńnia kredytaŭ na hod. Łukašenka prapanovy nie pryniaŭ. Sidorski miakka nahadaŭ, što za kožnym zavodam stajać ludzi. Hetaha chapiła, kab Łukašenka ŭzarvaŭsia.

— Ja palityk, ja pavinien dumać pra ludziej, a vy pavinny dumać pra ekanomiku i finansy… Vy hoły ekanamist. Vy pavinny prychodzić ź ministram finansaŭ da mianie i zmahacca za kožny rubiel, za kožnuju kapiejku. I heta ja pavinien kazać, što tam za imi stajać ludzi.

«Hoły ekanamist», tak i nie znajšoŭ u sabie siłaŭ pieratvarycca ŭ palityka i byŭ adpraŭleny ŭ adstaŭku praz čatyry miesiacy.

Acenku dziejnaści Siarhieja Sidorskaha na pasadzie prem'jer-ministra pa prośbie «Salidarnaści» daŭ eks-kiraŭnik Nacbanka i hanarovy staršynia AHP Stanisłaŭ Bahdankievič.

— Siarhiej Sidorski pracavaŭ jak niadrenny administratar, — ličyć jon. — Kali b Sidorski byŭ na pasadzie hiendyrektara bujnoha pradpryjemstva, to jaho dziejnaść možna było b acanić stanoŭča. Ale Sidorski byŭ na čale ŭrada! Tam hałoŭnaje nie administravać, a adčuvać situacyju i vyrašać hłabalnyja ekanamičnyja prablemy. U hetaj častcy ŭ Sidorskaha vielmi admoŭnyja vyniki: rost deficytu handlovaha bałansu i rost zamiežnaha doŭhu krainy. Jany admianiajuć usie plusy, jakija byli dasiahnutyja ŭradam Sidorskaha pa asobnych napramkach.

Dajučy acenku Sidorskamu jak patencyjnamu palityku (darohi Božyja niaźviednyja), Bahdankievič adznačaje, što eks-premjer byŭ by jak minimum nie horšy za dziejnaha kiraŭnika dziaržavy. Ź inšaha boku, hanarovy staršynia AHP vielmi sumniajecca ŭ tym, što Siarhiej Sidorski moža pajści pa šlachu rasijskaha eks-premjera Michaiła Kaśjanava i syści ŭ apazicyju.

— Kaśjanaŭ usio-tki byŭ čałaviekam demakratyčnych pierakanańniaŭ, a naš Sidorski — čałaviek namienkłatury, — kanstatuje Stanisłaŭ Bahdankievič.

• 0
• 0
• 0
• 0
• 0
• 0
• 0
• 0