Макей напісаў зварот да міністраў замежных спраў ЕС. Просіць не ўводзіць санкцыі
На сайце МЗС змешчана чарговая заява Уладзіміра Макея. Гэтым разам ён звяртаецца да міністраў замежных спраў ЕС.
Калегі, міністры замежных спраў краін ЕС, звяртаюся да вас у сувязі з вашымі шматлікімі заявамі ў дачыненні да маёй краіны. Вы выдатна ведаеце мяне, ведаеце Беларусь і беларусаў.
Зараз не 18 стагоддзе, не 2010 і нават не 2015 год. Рэспубліка Беларусь — ужо рэальнасць. Рэальнасць для Еўропы, рэальнасць для Еўрасаюза, рэальнасць для кожнай з вашых краін. Таму заклікаю жыць, кантактаваць і ўзаемадзейнічаць з гэтай рэальнасцю.
У нас далёка не заўсёды і не ва ўсім супадаюць падыходы. Але пры першых сур'ёзных выпрабаваннях для станаўлення нашай краіны вы зноў адразу заклікаеце да санкцый. Гэтым па сутнасці вы пацвярджаеце правату тых, хто не верыць у нашу суверэнную здольнасць выбудаваць раўнапраўныя і выгадныя ўсім бакам адносіны з вашымі дзяржавамі.
Гэта не першыя санкцыі ў нашай гісторыі. І наша гісторыя на гэтым не скончыцца. Мы іх пройдзем гэтак жа, як і папярэднія. Вынік іх дзеяння вам вядомы. Усе разам мы дакладна страцім час.
Страцім рытм, які патрэбны нашым краінам і грамадствам, тым больш у сучасным хуткім свеце. У нас цяпер складаная сітуацыя. Але ж які з вашых краінаў не праходзіла балючыя этапы нацыянальнага сталення?
Дайце і нам яго прайсці. Лепш з вашай дапамогай, але без спроб прымусу з выкарыстаннем палітычных, фінансавых і іншых відавочных рычагоў.
Прашу дараваць, але мы не зможам гэта разглядаць інакш, як нядобразычлівыя дзеянні, якія наносяць шкоду суверэнітэту Рэспублікі Беларусь, і не зможам гэта пакідаць без процідзеяння.
Але я ўсё яшчэ веру ў магчымасці і перспектывы нармальных, добрасуседскіх, цывілізаваных міждзяржаўных адносін паміж нашымі краінамі.
Таму што гэта ў інтарэсах усіх: і Беларусі, і Еўропы, і ўсёй Еўразіі. Прашу задумацца пра гэта без эмоцый.
Стала вядома пра арышт мінскага хірурга з 17-гадовым стажам. Ёй пагражае агромністы тэрмін за палітыку2
Каментары