У Літве зноў арыштавалі юрыста Мантаса Данелюса, падазраванага ў шпіянажы
Юрыста Мантаса Данелюса, якога ў Літве абвінавачваюць у шпіянажы на карысць Беларусі, зноў змясцілі пад варту да 5 красавіка, паведамляе LRT.
Мантаса Данелюса затрымалі 28 верасня мінулага года, і ён некалькі месяцаў правёў пад вартай. Але ў лютым яму змякчылі меру стрымання і вызвалілі пад падпіску.
У якасці ўмовы вызвалення Данелюсу былі забароненыя кантакты з удзельнікамі працэсу і іншымі людзьмі, названымі ў рашэнні суда. Але, паводле слоў пракурора Гедруса Тарасявічуса, Данелюс некалькі разоў парушыў гэтыя патрабаванні. Таму ёсць падставы меркаваць, што на волі падазраваны можа схавацца ад следчых, пракурора або суда, перашкаджаць судоваму працэсу або здзейсніць новыя злачынствы.
Мантас Данелюс уваходзіў у давер да беларускіх арганізацый у Літве, здабываў у іх інфармацыю. Ён абвінавачваецца ў тым, што перадаваў сабраную інфармацыю розным беларускім службам, уключаючы КДБ.
Чытайце таксама:
Літоўскаму юрысту, якога падазраюць у шпіянажы на карысць Беларусі, змякчылі меру стрымання
Хацеў збегчы ў Беларусь, але не паспеў. Новыя падрабязнасці справы пра шпіянаж на карысць КДБ літоўскага юрыста
«Беларускі думалі, што Данелюс шукае сабе жонку». Расследаванне літоўскага тэлебачання пра дзейнасць Данелюса
Укараняецца ў беларускія арганізацыі як юрыст, перасылае інфармацыю Лебедзевай. Дзіўная дзейнасць Мантаса Данелюса
Андрэй Дзмітрыеў з'ездзіў у Бундэстаг, каб давесці неабходнасць удзелу Лукашэнкі ў мірных перамовах11
Каментары