З надыходам вясны ўзрастае попыт на дачы і адпачынак за горадам. Асобныя гараджане прызвычаіліся ладзіць пікнікі і ў межах горада. У турэцкім горадзе Конья вырашылі пайсці насустрач жыхарам і стварылі цэлы гарадок для адпачынку з грылем.
Як паведамляе сайт горада, спецыяльная зона для пікнікоў займае плошчу 975 сотак. На ёй размешчаныя 454 асобныя ўчасткі па адной сотцы. Усе яны аднолькава абсталяваныя зонай для барбекю і вадаправодам. Нават расліны аднолькавыя.
Акрамя гэтага, у «садовым таварыстве» есць сацыяльныя аб'екты агульнага карыстання, такія як фітнэс- і дзіцячая пляцоўка, памяшканне для малітвы.
Арандаваць участак можна за плату. Да таго ж, каб дабрацца, неабходна мець аўтамабіль. Дарогі заасфальтаваныя, частка ўчастка выкладзеная пліткай, а другая — засеяная травой. Усё выглядае дастаткова ўрбаністычна. Але гэта не змяншае папулярнасці такіх участкаў.
Конья — гэта горад у цэнтральнай частцы Турцыі з насельніцтвам 2,2 мільёна чалавек. Ëн звязаны з Анкарой і Стамбулам хуткаснымі чыгункамі.
У адрозненне ад звычайных месцаў для пікніка, куды вядзе толькі адна дарога і дзе маецца толькі адна стаянка, тут тэрыторыя падзеленая на кварталы, а машыну можна прыпаркваць непасрэдна каля ўчастка. Сама зона адпачынку ізаляваная ад суседзяў.
Як думаеце, ці варта такое пераняць і беларусам?
Чытайце яшчэ:
Шале, глэмпінг і хаткі на дрэвах. Топ незвычайнага жылля для адпачынку ў Беларусі
«Абмеркавалі, вырашылі — пагналі!» Пабудавалі модную трохвугольную хату-шале ўсяго за паўгода
Ад 10 да 270 тысяч даляраў. Дачы ў ваколіцах Мінска прадаюцца па цане кватэр
Ці здасць Трамп Украіну Расіі? Чаму дэмакраты разгромленыя? Да чаго прывядзе кантроль рэспубліканцаў над выканаўчай і заканадаўчай уладай адначасова?8181
Каментары
почему-то возникли ассоциации с северным кладбищем в Минске