Украінскі ўладальнік нацыяналізаванага завода ў Светлагорску спрабаваў атрымаць кампенсацыю — але не ад Беларусі
Суд пазоў не задаволіў.
Украінская кампанія «Плазматэк», якая да пачатку поўнамаштабнай вайны валодала Светлагорскім заводам зварачных электродаў, спрабавала атрымаць дамагчыся кампенсацыі страчаных актываў ад Расіі. Але ўкраінскі суд з пазыцыяй кампаніі не пагадзіўся, паведамляе Радыё Свабода.
Светлагорскі завод зварачных электродаў спыніў працу 2 сакавіка 2022 года, усе ўкраінскія спецыялісты былі адкліканыя. У канцы 2022 года Аляксандр Лукашэнка заявіў аб фактычнай нацыяналізацыі завода. Неўзабаве стала вядома, што прадпрыемства перадалі расейскаму ўладальніку-Магнітагорскаму электроднаму заводу.
Украінская кампанія падала ва ўкраінскі суд пазоў аб спагнанні з Расеі ў асобе Мінюста РФ кампенсацыі за страчаныя актывы. Кампанія ацаніла шкоду ад пачатку расейскага поўнамаштабнага ўварвання ва Украіну 27.3 мільёна даляраў. У пазове паказвалася, што кампанію з мінімумам юрыдычных фармальнасцяў пазбавілі ўласнасці ў Беларусі, а затым яе перадалі расейскаму інвестару.
Аднак суд не знайшоў сувязі паміж стратай кантролю над заводам у Светлагорску і пачаткам поўнамаштабнай вайны. Суд таксама адзначыў, што наяўнасць апасродкаванай сувязі паміж расейскім уварваннем і нацыяналізацыяй прадпрыемства «ні ў якім разе не сведчыць аб магчымасці ўскласці на Расію адказнасць за пазбаўленне долі ў статутным капітале Светлагорскага завода зварачных электродаў».
Кампанія можа падаць апеляцыю на такое рашэнне.
Хакеіст Баскаў, ваенкам Крываносаў, медык Румо. Лукашэнка назваў сваіх давераных асобаў3
Каментары