«Мадэлі з вітрыны ў Дубаі, таму танныя». Доктарка з Мінска вырашыла выгадна замовіць пыласос і тэлефон — яе падманулі на вялікую суму
Жанчына марыла набыць танную бытавую тэхніку ў дом, а трапіла на махлярку. «Тэлефоны паляцяць са сцюардамі», — паабяцалі ёй.
Падолаг Надзея Рагоўская з Мінска будуе з мужам уласны дом, куды некалькі месяцаў таму вырашылі набыць бытавую тэхніку. Сваю сумную гісторыю яна расказала ў інстаграме.
Ксенія ж распавядала пакупнікам, што можа даставіць тавар з розных месцаў свету ў Санкт-Пецярбург, а адтуль да канчатковага спажыўца рассылае СДЭК. Цэны дзяўчына прапаноўвала прыемныя, таму Надзеі ўсё спадабалася.
Баер паведаміла, быццам таксама цяжарная — ужо на 36-м тыдні і ведае, што дзіця народзіцца з парокам сэрца, таму адразу неабходна будзе рабіць аперацыю. Надзея, канечне ж, пачала шкадаваць будучую маці.
Прыкладна 4-5 месяцаў Надзея праглядала чат, пакуль нарэшце не ўбачыла робат-пыласос, пра які марыла.
Жанчына хутка аплаціла замову, а баер напісала, што замова пацверджана і трэба чакаць адпраўку. Потым Надзея прыглядалася да чагосьці бюджэтнага, але Ксенія адгаворвала яе ад пакупак. Паралельна баер расказвала пра сваю цяжарнасць і нават адпраўляла здымкі УГД.
— Я спытала: «Слухай, а як тэлефон даедзе?» Яна адказала, што тэлефоны ляцяць з Дубая — быццам бы гэта распакаваныя мадэлі з вітрыны, таму такія танныя. Я ж кажу: «Кантэйнер жа для іх не падыдзе?». Ксенія сцвярджала, што тэлефоны паляцяць са сцюардамі.
— Пасля таго, як усе тэрміны мінулі — гэта было 22 мая — я была ў Польшчы і вырашыла спытаць у Ксеніі, дзе ж мая замова. І раптам разумею, што мне няма каму пісаць — з суполкі мяне выдалілі, усю перапіску яна пачысціла, у інстаграме заблакавала.
Цяпер доктарка хоча папярэдзіць астатніх, каб яны не трапілі ў пастку махляроў. Акаўнт баера Ксеніі мае 165 тысяч падпісчыкаў у інстаграме. Там пазначана, што жыве жанчына ў Германіі і ЗША, а працуе толькі на ўмовах 100% перадаплаты. У сторыс круцяцца тавары, якія быццам бы можна хутка набыць: напрыклад, прапаноўваюць iPhone 13 і iPhone 13 Pro Max усяго за 330 даляраў з тлумачэннем, што кошт такі, бо няма каробак.
Махляры прымусілі пенсіянерку ўзяць тры крэдыты і нават зрабілі сваёй памагатай
Махляры выманілі ў двух мінчукоў 400 тысяч рублёў, сказаўшы, што іх даныя скралі іншыя махляры
Махляры здаюць «райскі дамок» пасярод разаранага поля пад Асіповічамі. І многія вядуцца
22-гадовы жодзінец падмануў 13 беларускіх фірмаў і збег у Польшчу
Хакеіст Баскаў, ваенкам Крываносаў, медык Румо. Лукашэнка назваў сваіх давераных асобаў3
Каментары