З магілёўскай турмы ў кастрычніку вызваліўся 42-гадовы мінскі злодзей у законе Павел Аляксяевіч, больш вядомы ў крымінальным асяроддзі як Паштэт. Пра гэта паведаміў сайт «Прайм Крайм», які спецыялізуецца на крымінальнай тэматыцы.
Гэтым разам крымінальны аўтарытэт сядзеў «усяго» тры гады, а пасадзілі яго за хуліганства. Агулам жа турэмны стаж Паштэта дасягнуў ужо 20 гадоў.
У канцы жніўня 2021 года чацвёра прыхільнікаў крымінальнага аўтарытэта ў Барысаве збілі 40-гадовага мужчыну. Жорсткі напад быў здзейснены каля ўваходу ў гіпермаркет, на вачах наведвальнікаў і работнікаў гандлёвага аб'екта. Неўзабаве пасля таго Паштэт быў арыштаваны і трапіў пад суд.
Усяго ж за сваё 42-гадовае жыццё Павел Аляксяевіч судзіўся шэсць разоў, уключаючы два тэрміны па прысудах расійскіх судоў, калі ўжо значыўся ў крымінальнай іерархіі злодзеем у законе.
Цяпер Аляксяевіч нібыта жыве ў Мінску, яму ўстанавілі нагляд тэрмінам на 1 год.
Відаць, ён стаў другім злодзеем у законе, які жыве на тэрыторыі Беларусі. Першы — гэта Аляксандр Мядзведзеў па мянушцы Медзвяжонак, калі той яшчэ не выехаў за мяжу. Пра яго начальнік ГУБАЗіКа Андрэй Ананенка ў сакавіку 2024 года гаварыў, што той «разумее, што ў выпадку парушэння пэўных чырвоных ліній ён зноў хутка вернецца за краты».
Увогуле ж галоўны губазікавец тады казаў, што пад пільнай увагай ягоных супрацоўнікаў заставаліся шэсць «злодзеяў у законе», трое з якіх адбывалі пакаранне ў месцах зняволення. Пры гэтым двое былі вымушаныя выехаць за межы Беларусі, таму што, маўляў, «ім было некамфортна тут знаходзіцца з прычыны праводзімых намі прафілактычных мерапрыемстваў».
Андрэй Дзмітрыеў з'ездзіў у Бундэстаг, каб давесці неабходнасць удзелу Лукашэнкі ў мірных перамовах11
Каментары
Разам з камісарамі чк- нквд зьявілісь і гэтыя каб кантраляваць вялікі лагер і за дротам таксама...
Звярніце увагу як здарылась склалась бальшыня землякі ДжугашвіліУріцкагаМехліса ..і дагэтуль
Усе гэтыя паняцця дзля падлеткаў совінтэлехенцыі ....УтесаВсоцкіяразембаўмы круг соврусшансон турмама
Аб шчыльна- плотнам супрацоўніцтве гэтых і мус чк нквд кгб даведалісь яшче пад час галоснасці.
Сацыяльна блізкія як іх яшче Троцкі Уріцкі абазвалі