Niezvyčajny aksesuar možna budzie naklejvać na pavieki pry dapamozie admysłovaha kleju. Kantroler i akumulatar dla ich pracy buduć schavanyja ŭ vałasach (tamu ŭładalniki nie zanadta hustoj šavialury buduć chadzić z hałavoj, abłytanaj pravadami).
Upieršyniu LED-viejki prademanstravali ŭ San-Francyska. Ich aŭtaram ličycca dyzajnier Ćjen Fam. Prasačyŭšy za stanoŭčaj reakcyjaj hledačoŭ, jon vyrašyŭ arhanizavać zbor srodkaŭ praz Kickstarter. Startap užo pryciahnuŭ 120 000 dalaraŭ, zamiest zapłanavanych 40.
F. lashes ujaŭlajuć ź siabie malusieńkija pałoski śviatłodyjodaŭ, jakija macujucca pa-nad viejkami. Adzinym ich niedachopam źjaŭlajecca hruvastki akumulatar i kantroler. Śviatłodyjody pakul majuć siem koleraŭ i mohuć pulsavać u niekalkich režymach.
Aryjencirovačny košt modnaha naboru składzie 40 dalaraŭ. Nie vyklučana, što ŭžo da kanca nastupnaha hoda my ŭbačym nakładny bliskučy makijaž na suśvietnych podyumach.
Akaŭnt Kabančuka ŭzłamali — ale ci biełaruskija śpiecsłužby?7
Kamientary