Ad Redakcyi: Adzin prosty krok moh by vyklučyć kanfrantacyju i pravakacyi
Da vybaraŭ Biełaruś padyšła z zusim novym palityčnym raskładam. A situacyja z aryštam vahnieraŭcaŭ pakazvaje, što majem i całkam novy źniešniepalityčny kantekst.
Vybary ŭžo nie zmohuć «prajści pa-staromu». A navat kali niechta b abvieściŭ, što vybary prajšli pa-staromu, kraina naŭrad ci zmoža funkcyjanavać «pa-staromu» paśla ich.
Mahčyma, Biełaruś apynułasia ŭ pierałomnym momancie svajoj historyi.
Jość adzin prosty krok, jaki moža zaścierahčy krainu ad hramadskaha kanfliktu. Jaho možna ažyćciavić imhnienna i zrabić navat u samy apošni momant.
Heta ekstraardynarnaje rašeńnie 1) ab dazvole kandydatam u prezidenty pasłać va ŭsie ŭčastkovyja i terytaryjalnyja vybarčyja kamisii svajho pradstaŭnika, 2) dazvole ŭsim naziralnikam biez abmiežavańnia prysutničać na ŭčastkach i sačyć za padlikam hałasoŭ, 3) abaviazku ŭčastkovych vybarčych kamisij pradastaŭlać naziralnikam kopiju pratakoła padliku hałasoŭ, 4) admienie na dadzienych vybarach daterminovaha hałasavańnia jak takoha, što moža pastavić pad sumnieŭ dakładnaść vynikaŭ vybaraŭ — u siłu asablivaj situacyi.
Takoje rašeńnie moža być realizavana ciaham 24 hadzin.
Navat ažyćciaŭleńnie niekatorych z čatyroch punktaŭ pavysiła b davier da vybaraŭ, a vykanańnie ŭsich čatyroch punktaŭ źniało b lubyja pytańni da vyniku vybaraŭ jak unutry Biełarusi, tak i za jaje miežami i zrabiła lubuju kanfrantacyju i pravakacyi vyklučanaj.
Stała viadoma, chto žanich byłoj deputatki Maryi Vacilevič17
Kamientary