Pankaviec: Samyja važnyja ludzi, nikoha i ničoha važniej za jakich siońnia ŭ nas niama
Siońnia stała viadoma, što zahinuŭ Pavieł «Vołat». Heta šosty biełarus, jaki addaŭ žyćcio ŭ vajnie z rasiejskim impieryjalizmam. Raniej nie stała Illi «Litvina» Chrenava, Alaksieja «Tura» Skobli, Źmitra «Terora» Apanasoviča, Źmitra «Hansa» Rubašeŭskaha, Kanstancina «Fieniksa» Dziubajły, piša ŭ Fejsbuku Źmicier Pankaviec.
Nie pierastaju štodnia dumać pra kožnaha ź ich, maładych, dužych, pryhožych. Ludziej, jakija achviaravali ŭsim, što ŭ ich było, dziela pastaŭlenaj mety, dziela svaich ideałaŭ. Jak i pra tych niekalkich socień biełarusaŭ, jakija zastajucca na vajnie. I nie dajuć impieryi zła pieramahčy.
Mnie padajecca, što napisać pra ich prosta hieroi — niesumlenna i mała. Na dadzienym etapie našaj historyi — heta samyja važnyja ludzi.
I choć za try miesiacy my ŭžo pačynajem «stamlacca» ad vajny ŭ navinach, chočam niejkaha pazityvu, a nie śmierciaŭ i strełaŭ, treba pomnić, što historyja robicca imi. Tamu nikoha i ničoha važniej za ich siońnia ŭ nas niama.
Akaŭnt Kabančuka ŭzłamali — ale ci biełaruskija śpiecsłužby?11
Kamientary