Панкавец: Самыя важныя людзі, нікога і нічога важней за якіх сёння ў нас няма
Сёння стала вядома, што загінуў Павел «Волат». Гэта шосты беларус, які аддаў жыццё ў вайне з расейскім імперыялізмам. Раней не стала Іллі «Літвіна» Хрэнава, Аляксея «Тура» Скоблі, Змітра «Тэрора» Апанасовіча, Змітра «Ганса» Рубашэўскага, Канстанціна «Фенікса» Дзюбайлы, піша ў Фэйсбуку Зміцер Панкавец.
Не перастаю штодня думаць пра кожнага з іх, маладых, дужых, прыгожых. Людзей, якія ахвяравалі ўсім, што ў іх было, дзеля пастаўленай мэты, дзеля сваіх ідэалаў. Як і пра тых некалькіх соцень беларусаў, якія застаюцца на вайне. І не даюць імперыі зла перамагчы.
Мне падаецца, што напісаць пра іх проста героі — несумленна і мала. На дадзеным этапе нашай гісторыі — гэта самыя важныя людзі.
І хоць за тры месяцы мы ўжо пачынаем «стамляцца» ад вайны ў навінах, хочам нейкага пазітыву, а не смерцяў і стрэлаў, трэба помніць, што гісторыя робіцца імі. Таму нікога і нічога важней за іх сёння ў нас няма.
Акаўнт Кабанчука ўзламалі — але ці беларускія спецслужбы?11
Каментары