Jak ratavać bulbu ad kałaradaŭ? Voś niekalki rašeńniaŭ biez kropli chimii
Kałaradski žuk — vorah viadomy. Ale nie ŭsie viedajuć, jak ź im zmahacca z dapamohaj raślin, jakija jość u kožnaha na leciščy.
Krapiva
Zalicie kala kiło śviežaj krapivy dziesiaciu litrami vady i pakińcie na 4—5 dzion fiermientavacca ŭ ciopłym miescy. Potym razbaŭcie vadoj u suadnosinach 1:10 i apyrskajcie raśliny, na jakich žyvuć žuki. Heta efiektyŭny sposab.
Harčyca
Harčyčny pach dla žukoŭ taksama nievynosny.
Kali stałovuju harčycu raźvieści ŭ ciopłaj vadzie ŭ suadnosinach 1:10, pačakać, pakul jana astynie, i apyrskać raśliny — nasiakomyja syduć.
Mocnyja mietady z taho, što pad rukoj
Kali raślina zaražana bulbianym žukom vielmi mocna, papiarednija sposaby nie pasujuć. Vam treba pasprabavać značna bolš mocnyja, ale pry hetym biez chimii.
Možna zrabić rastvor škipinaru. Dla hetaha treba ŭziać stałovuju łyžku na litr vady.
Cybula i časnyk taksama dapamahajuć. Vaźmicie pa 200 hramaŭ cybulniku i časnyčniku (majecca na ŭvazie šałupińnia cybuli i časnyku, taho, u jakim robim krašanki na Vialikdzień), zalicie ich 10 litrami vady i dźvie hadziny varycie na pavolnym ahni. Kali vyklučycie ahoń, dadajcie 200 hramaŭ tytuniovaha pyłu. Advar pracadzicie i dalicie vady da 10 litraŭ. Kab srodak lepš trymaŭsia na liści, dadajcie 30 hramaŭ haspadarčaha myła.
Stała viadoma, chto žanich byłoj deputatki Maryi Vasilevič24
Kamientary