U 35 rehijonach Rasii pačali rassyłać pozvy «dla ŭdakładnieńnia źviestak»
Kiraŭnik mižnarodnaj pravaabarončaj hrupy «Ahora» Pavieł Čykaŭ apublikavaŭ śpis rehijonaŭ, dzie ŭ vajenkamaty zaprašajuć mužčyn. Siarod ich — Maskva, Pieciarburh, Leninhradskaja, Maskoŭskaja, Biełharadskaja i Murmanskaja vobłaści, Ałtajski, Piermski, Krasnajarski i Krasnadarski krai.
Rehijanalnyja ŭłady zajaŭlajuć, što pozvy rassyłajucca dla «aktualizacyi źviestak vajskovaha ŭliku» abo zaprašeńnia na vajskovyja zbory. U Kramli heta nazvali «zvyčajnaj praktykaj», adznačyŭšy, što ŭ ich niama «nijakich abmierkavańniaŭ» novaj chvali mabilizacyi ŭ Rasii.
«Bolš za ŭsio pytańniaŭ vyklikajuć pozvy na vajskovyja zbory, jakija mohuć pravodzicca tolki paśla ŭkazu prezidenta. Takoha ŭkazu nie było, prynamsi, nie apublikavany», — adznačaje Čykaŭ. Pavodle jaho acenak, pakul pra druhuju chvalu mabilizacyi havorki nie idzie.
Mabilizacyja ŭ Rasii pačałasia ŭ kancy vieraśnia 2022 hoda i, jak śćviardžajuć rasijskija ŭłady, zaviaršyłasia ŭ kancy kastryčnika. Adnak Uładzimir Pucin dahetul nie padpisaŭ ukaza ab jaje zaviaršeńni.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»36
Kamientary