Tajvań amal całkam biezabaronny pierad pavietranym napadam Kitaja — źlivy
Zhodna sa źlitymi ŭ sietku sakretnymi dakumientami ZŠA, vostraŭ moža całkam stracić svajo nieba ŭ pieršy tydzień kanfliktu z Kitajem.
Tajvań z vysokaj vierahodnaściu stracić svajo nieba amal adrazu ž paśla pačatku kanfliktu z Kitajem. Pra heta stała viadoma sa źlitych sakretnych dakumientaŭ ZŠA, infarmacyju ź jakich apublikavała vydańnie The Washington Post.
Pavodle spravazdačy, amierykanskaja vyviedka i aficyjnyja asoby Tajvania «mocna sumniavajucca» ŭ zdolnaści sistem supraćpavietranaj abarony vostrava «dakładna» vyjaŭlać i pierachoplivać kitajskija rakiety.
U dadatak da hetaha ŭłady Tajvania, zhodna z uciečkaj, turbujucca adnosna stanu svaich źniščalnikaŭ. Na ich dumku, tolki krychu bolš za pałovu z usich najaŭnych u ich samalotaŭ zmohuć vykonvać bajavyja zadačy, a ŭ vypadku pačatku vajny prybrać hetyja źniščalniki ŭ schoviščy možna budzie tolki pa skančeńni adnaho tydnia.
Za hety čas, jak zaznačana ŭ dakumiencie, Kitaj zmoža poŭnaściu zavałodać niebam nad vostravam.
«Vajenna-pavietranyja siły Kitaja buduć mieć značna lepšyja mahčymaści dla rańniaha ŭstalavańnia kantrolu nad niebam Tajvania ŭ vypadku masavaha prymianieńnia rakiet i avijacyi pa supraćpavietranaj abaronie vostrava. Tut u Kitaja budzie značna bolš šancaŭ, čym heta było ŭ Rasii ŭ pieršyja dni vajny suprać Ukrainy», — piša The Washington Post sa spasyłkaj na adzin sa źlitych sakretnych dakumientaŭ ZŠA.
Taksama ŭ dakumiencie paznačana, što ŭ amierykanskaj vyviedki źniziłasia zdolnaść vyznačać mahčymyja terminy kitajskaha ŭvarvańnia na vostraŭ, bo Kitaj staŭ čaściej vykarystoŭvać hramadzianskija karabli ŭ svaich vajskovych metach (asabliva, kali hetyja karabli rehularna zachodziać va ŭnutranyja vody Tajvania).
Nahadajem, što ŭ pačatku krasavika źjavilisia źviestki ab maštabnaj uciečcy ŭ internet sakretnych dakumientaŭ ZŠA, siarod jakich jość spravazdača, pryśviečanaja Biełarusi.
Mierkavany vinavaty ŭ hetych źlivach užo aryštavany amierykanskimi ŭładami.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku36
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary