45-y prezident ZŠA Donald Tramp prajšoŭ u Džordžyi farmalnuju praceduru aryštu pa spravie ab umiašalnictvie ŭ vybary.
Aryšt znoŭ doŭžyŭsia 20 chvilin, paśla čaho były prezident ZŠA byŭ adpuščany. Tym nie mienš Trampa vyrašyli sfatahravać dla palicejskaha daśje, h. zn. zrabili mahšot.
Jon staŭ pieršym u historyi prezidentam ZŠA sa zroblenym mahšotam.
Na fota palityk naŭmysna vyrašyŭ nie ŭśmichacca, kab vyhladać aburanym, piša CNN.
Tramp padčas aryštu prajšoŭ standartnuju praceduru vyznačeńnia paramietraŭ: zdaŭ adbitki palcaŭ, sfatahrafavaŭsia i ŭzvažyŭsia (215 funtaŭ — 97,5 kh), byŭ pamierany jaho rost (6 futaŭ i try cali — 1,9 m).
Heta ŭžo čaćviorty raz, kali Tramp zdajecca paśla vystaŭleńnia kryminalnych abvinavačvańniaŭ. Ale paśla papiarednich abvinavaŭčych zaklučeńniaŭ ułady nie rabili i nie publikavali mahšotaŭ Trampa, pryznajučy, što niama nieabchodnaści ŭ śpiecyjalnaj kartcy dla byłoha prezidenta ZŠA.
Adnak kali 45-y prezident uciače, heta fota budzie razasłana va ŭsie adździaleńni palicyi.
Taksama Trampu prysvoili «aryštny numar» P01135809.
Eks-prezident, sa svajho boku, apublikavaŭ fatahrafiju svajoj fatahrafii ŭ sacyjalnaj sietcy Truth z podpisami «Umiašańnie ŭ vybary» i «Nikoli nie zdavajsia!».
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku41
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary