Kolkaść achviar ziemlatrusu ŭ Maroka, jaki adbyŭsia 8 vieraśnia, dasiahnuła 1037, jašče 1204 čałavieki atrymali traŭmy. Pra heta paviedamiŭ telekanał Al Arabiya sa spasyłkaj na Ministerstva ŭnutranych spraŭ karaleŭstva.
Kanał adznačaje, što bolš za 720 paciarpiełych znachodziacca ŭ krytyčnym stanie, a sotni čałaviek dahetul nie znojdzienyja pad zavałami.
Ziemlatrus mahnitudaj kala 7 dla Maroka staŭ samym mocnym u hetym stahodździ. Jahony epicentr znachodziŭsia ŭ rajonie hornaha chrybta Vysoki Atłas prykładna za 72 km ad Marakieša, horada z nasielnictvam kala 840 tysiač čałaviek. Šturški adčuvalisia ŭ radyusie 400 kiłamietraŭ. Śledam za mahutnym asnoŭnym šturškom rušyli sotni afteršokaŭ.
Zahinułyja jość u haradach Marakieš, Aziłal, Ahadzir, Varzazat i Čyčaua. Taksama šturški adčuvalisia ŭ haradach Kasabłanka, Mieknies, Fies, Rabat.
Jak piša vydańnie Sky News, ziemlatrus doŭžyŭsia niekalki chvilin, u hety momant žychary vybiahali na vulicy. Jość kadry ŭ siecivie, jak paśla čarhovaha šturška tresnuła ściana šmatpaviarchovika na pieršym paviersie — i dom pavaliŭsia.
Mnohija ludzi zahinuli ŭ ciažkadastupnych hornych rajonach. Pa ŭsioj krainie ciapier ratavalniki i prostyja hramadzianie sprabujuć dastavać ludziej, jakija apynulisia pad zavałami, balnicy zapaŭniajucca paciarpiełymi.
U Francyi ludziej napałochaŭ nietypovy mocny ziemlatrus na zachadzie krainy
Siejsmołahi: U Biełarusi apošnim časam ziemlatrusaŭ nie zafiksavana
Navukoŭcy raskazali, jaki ziemlatrus moža vytrymać AES u Astraŭcy
«Čałavieka moža ŭratavać uvažlivaść i padrychtavanaść». Navukoviec raskazaŭ, jak pradbačyć ziemlatrus i što treba mieć kala siabie, kali žyvieš u siejsmazonie
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary