Rekanstrukcyja M-1 pakul nie płanujecca, na darohi biezvynikova šukajuć hrošy — Mintrans
Rekanstrukcyja trasy M-1 pakul nie płanujecca, raboty na M-Ź viaducca za košt biudžetnych srodkaŭ. Biełaruś viadzie pierahavory z Rasijaj i Kitajem dla pryciahnieńnia srodkaŭ na rekanstrukcyju daroh, ale pakul biezvynikova. Pra heta paviedamiŭ načalnik upraŭleńnia raźvićcia aŭtamabilnych daroh hałoŭnaha ŭpraŭleńnia aŭtamabilnych daroh Ministerstva transpartu i kamunikacyj Siarhiej Lavončyk u pres-centry BiełTA.
Lavončyk raspavioŭ, što ŭ krainie była raspracavana kancepcyja rekanstrukcyi M-1 z daviadzieńniem jaje paramietraŭ da aŭtamahistrali.
«Hety prajekt zapatrabuje davoli surjoznych finansavych raschodaŭ. Pakul było pryniata rašeńnie, što my budziem pravodzić nie rekanstrukcyju, a ramont učastkaŭ, jaki nieabchodny dla padtrymańnia darohi ŭ narmalnym stanie. Tam surjoznyja sumy, tamu pakul składana kazać pra rekanstrukcyju ŭsioj darohi», — paviedamiŭ Siarhiej Lavončyk.
Na jaho dumku, da hetaha pytańnia možna budzie viarnucca, kali ŭ krainie pryviaduć u «vielmi dobry stan» usiu miascovuju sietku i respublikanskija darohi.
«Kali my heta zrobim, nam budzie pad siłu pierajści na takija maštabnyja prajekty», — reziumavaŭ jon.
Taksama Siarhiej Lavončyk raspavioŭ ab prablemach z darohaj M-3 Minsk — Viciebsk. Vykanać jaje rekanstrukcyju płanavałasia za košt srodkaŭ JEBRR, ale zachodniaje finansavańnie praz sankcyi było spyniena.
«Pryniata rašeńnie ab tym, kab rekanstrukcyja aŭtadarohi M-3 ažyćciaŭlałasia za košt biudžetnych srodkaŭ, a mienavita za košt dziaržaŭnaj inviestycyjnaj prahramy. Siońnia my viadziom rekanstrukcyju ŭčastka ad Łahojska da Pleščanic. Uvieści hety ŭčastak paśla rekanstrukcyi płanujem da kanca 2024 hoda. Dalej pa miery vydzialeńnia biudžetnych srodkaŭ budziem pradaŭžać rekanstrukcyju hetaj darohi», — skazaŭ pradstaŭnik Mintransa.
Taksama, pavodle jaho, ciapier viadziecca rekanstrukcyja aŭtadarohi R-46 ad Lepiela da Połacka. Uvod abjekta pryznačany na 2026 hod.
«Dla nas M-Ź i R-46 — heta važnyja mižnarodnyja kalidory. Napramak ruchu ŭ bok rasijskich partoŭ u Sankt-Pieciarburhu siońnia asnoŭny, tamu pieršaradnaja ŭvaha ŭdzialajecca hetamu kalidoru», — dadaŭ Lavončyk.
Akramia taho, idzie rekanstrukcyja aŭtamabilnaj darohi R-53 na ŭčastku ad Smalavič da Žodzina. Uvod abjekta zapłanavany na 2024 hod.
Lavončyk raspavioŭ, što Biełaruś viadzie pierahavory z Rasijaj i Kitajem dla pryciahnieńnia srodkaŭ na rekanstrukcyju daroh, ale «vyniki dastatkova składanyja».
«Siońnia pracujem va ŭmovach sankcyj, i treba vielmi dakładna vyznačyć usiu ryzyku, jakaja isnuje dla ŭsich bakoŭ hetaha pracesu. Ministerstva ekanomiki viadzie surjoznuju rabotu pa pryciahnieńni srodkaŭ mienavita ŭ darožnuju haspadarku. Mintrans padrychtavaŭ zajaŭki i nakiravaŭ adpaviednyja inviestprapanovy. Jany ciapier razhladajucca», — skazaŭ Lavončyk.
Taksama, pavodle jaho, abmiarkoŭvajecca ŭdzieł JEABR u prajektach pa rekanstrukcyi biełaruskich daroh. «Prapanujem maksimum tych prajektaŭ, pa jakich u nas užo jość prajektnaja dakumientacyja i praviedziena ekśpiertyza. Našy partniory ŭsio heta razhladajuć. Rašeńni buduć prymacca z ulikam ekanamičnaj metazhodnaści, bo lubyja kredytnyja srodki majuć svaju canu, svoj pracent. Pieramovy viaducca na praciahu hetaha hoda, ale pakul kankretnych damoŭlenaściaŭ niama», — adznačyŭ pradstaŭnik Mintransa.
Raniej bujnyja prajekty pa rekanstrukcyi daroh finansavalisia za košt kredytaŭ Suśvietnaha banka, Jeŭrapiejskaha banka rekanstrukcyi i raźvićcia, Jeŭrapiejskaha inviestycyjnaha banka. Adnak paśla 2020 hoda mižnarodnyja finansavyja instytuty spynili finansavańnie prajektaŭ u Biełarusi.
U krasaviku Łukašenka raspavioŭ, što «profilnamu vice-premjeru
pastaŭlena zadača ciaham hetaha hoda ŭsie darohi adramantavać, čaho b nam heta ni kaštavała».
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1111
Kamientary