Minimum 207 čałaviek zatrymali pa viartańni ŭ Biełaruś u minułym hodzie
Viadoma, što čaściej za ŭsio ludziej zatrymlivajuć paśla viartańnia ź Litvy.
Minimum 207 čałaviek zatrymali pa viartańni ŭ Biełaruś u minułym hodzie. Siarod ich akramia biełarusaŭ byli hramadzianie Ukrainy, Litvy i Rasii, piša «Viasna».
Amal usich zatrymanych asudzili da «sutak» i štrafaŭ za reposty navinaŭ ź niezaležnych ŚMI, «drobnaje chulihanstva» abo za «pikietavańnie» nacyjanalnaj simvolikaj.
A minimum 18 ź ich asudzili pavodle kryminalnych artykułaŭ, 12 ź jakich — da kałonii.
Viadoma, što čaściej za ŭsio ludziej zatrymlivajuć paśla viartańnia ź Litvy, ale pravierki i zatrymańni ładziać na ŭsich pracujučych prapusknych punktach, u tym liku i na miažy z Rasijaj. Siłaviki vysadžvajuć biełarusaŭ z rejsavych aŭtobusaŭ, sustrakajuć ich na aŭtobusnych ci čyhunačnych vakzałach, abo prychodziać pa ich užo dadomu paśla viartańnia. Kali zatrymańnie adbyvajecca prosta ŭ punkcie propusku, to čałavieka da suda zvyčajna źmiaščajuć u najbližejšy RAUS, dzie na jaho składajuć pratakoł.
Pry hetym kožny dzień aproč zatrymańniaŭ adbyvajucca i dopyty tych, chto zajazdžaje ŭ krainu. Pravaabaroncam viadoma, što pytańni ŭ supracoŭnikaŭ mytni abo KDB vyklikajuć, naprykład, štampy ŭ pašparcie ab naviedvańni Ukrainy.
Taksama praz dopyty prachodziać tyja, chto ŭklučany ŭ bazu siłavikoŭ «BIESporiadki» — tudy ŭnosiacca danyja ŭsich zatrymanych paśla pačatku pratestaŭ u 2020 hodzie.
«Pryjšli ŭ «stakan» tarmasić jaho, a jon užo chałodny». Niekalki žyćciovych historyj ad źniavolenaha na «sutkach»
Lavon Volski: Ja vydatna razumieju chłopcaŭ z Nizkiz, bo žyŭ takim žyćciom nie adzin hod
Siońnia apošni dzień pracy kamisii pa viartańni. Čym skančalisia historyi tych, chto źviartaŭsia tudy
«Jamu pa načach śnilisia ludzi, jakich jon pasadziŭ». Stali viadomyja novyja detali apošnich dzion žyćcia syna Jarmošynaj3
Kamientary