U Lachavickim rajonie pastavili supraćhradnuju ŭstanoŭku, viaskoŭcy napužalisia
U Lachavickim rajonie daŭno nie było daždžu, i miascovyja žychary pačali padazravać, što vinavataja ŭ hetym nie «niabiesnaja kancylaryja», a ludskija techničnyja vynachodki, piša «Lachavicki vieśnik».
Žychary vioski Alchoŭcy patelefanavali ŭ redakcyju rajonnaj haziety i paskardzilisia na miascovyju fiermierskuju haspadarku — TAA «Jabłynievy Pasad». Maŭlaŭ, jany pastavili supraćhradavuju ŭstanoŭku, «ich harmata pastajanna stralaje, adhaniaje daždžy, jakija tak patrebnyja aharodam!».
Fiermiery, adnak, svaju vinu kateharyčna asprečvajuć. Sapraŭdy, supraćhradavuju ŭstanoŭku «Zienit» jany nabyli paśla taho, jak dva hady zapar hrad pabiŭ ichnija jabłynievyja sady. Ale na kolkaść apadkaŭ, jakija vypadajuć, ustanoŭka nie ŭpłyvaje: jana nie razhaniaje daždžavyja chmary, jana pieraŭtvaraje hrad u zvyčajny doždž. Da taho ž dyjapazon dziejańnia ŭstanoŭki abmiežavany — maksimum 500 mietraŭ uleva i ŭprava.
Prytym hetaja ŭstanoŭka nie pracuje pastajanna:
«Sočym za stanam nadvorja na čatyroch resursach. I kali bačym mahčymyja navalnicu ci hrad, to za 20—30 minut da ich pačatku ŭklučajem ustanoŭku. Rabota «Zienitu» zasnavana na ŭździejańni pavietranych «udaraŭ» na atmaśfieru. Pryncyp raboty ŭstanoŭki nastupny: pieramiešvajucca nižnija ciopłyja słai pavietra ź vierchnimi chałodnymi, adbyvajecca «streł», i hrad pieratvarajecca ŭ doždž», — tłumačyć namieśnik dyrektara TAA «Jabłynievy Pasad» Hienadź Kiernoha.
U zvyčajnych ža daždžach, pavodle jahonych słoŭ, sadavody zacikaŭlenyja nijak nie mienš za inšych viaskoŭcaŭ, bo jabłyni dla vyśpiavańnia pładoŭ patrabujuć šmat vilhaci.
Na abaronu ŭładalnikaŭ «Jabłynievaha Pasadu» i jašče adnoj fiermierskaj haspadarki «Uładzimir plus», jakaja taksama nabyła supraćhradavuju ŭstanoŭku, staŭ i namieśnik staršyni rajvykankama Andrej Navahran. Paćviardžajučy ŭžo skazanaje Hienadziem Kiernoham, jon dadaje, što vykarystańnie takoj ustanoŭki
«daje mahčymaść abaranić ad hetaj pryrodnaj źjavy nie tolki terytoryi «Jabłynievaha Pasada» i fiermierskaj haspadarki «Uładzimir plus», ale i bližejšych ziemlaŭ. Tamu zamiest taho, kab narakać, što jany svaimi prystasavańniami nie dajuć pajści doŭhačakanamu daždžu, varta skazać dziakuj za toje, što supraćhradavaja ŭstanoŭka abaraniaje aharody, kvietniki, prysiadzibnyja ŭčastki, pabudovy haradžan i viaskoŭcaŭ».
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1111
Kamientary