Z-vajenkar Juryj Padalaka raspavioŭ, što viadoma pra padziei na Kurskim kirunku na viečar 20 žniŭnia.
Padalaka pryznajecca, što na Lhoŭska-Sudžanskim učastku źmieny nie na karyść rasijan.
Pavodle infarmacyi vajenkara, ukraincy pierakinuli reziervy (bataljon 95-aj DŠBr, uzbrojeny niamieckimi BMP «Marder») i sprabujuć uziać pad svoj kantrol Małuju Łokniu.
«Pierad hetym jon [praciŭnik] abyšoŭ našy pazicyi pamiž hetym siałom i Ruskim Parečnym, pierarezaŭšy darohu pamiž imi, i takim čynam uziaŭ častki 18-aj msd [motastrałkovaj dyvizii] u apieratyŭnaje atačeńnie. Taksama iduć jaho sproby adnačasova ažyćciavić i achop Ruskaha Parečnaha, kab prymusić naš harnizon tut adyści», — piša Padalaka.
Jak jon śćviardžaje, ciapier tam «vielmi ciažki idzie boj».
«Pracuje naša avijacyja, artyleryja, BPŁA. Ale navat heta pakul nie adkinuła praciŭnika. Toj uparta lezie napierad», — kanstatuje vajenkar.
Sa słovaŭ Padalaki, ukrainskija vojski naroščvali cisk taksama na Hłuškoŭskim kirunku, dzie łahistyku rasijan uskładniła źniščeńnie ŭsich mastoŭ cieraź Siejm.
U kirunku Hirjaŭ-Biełaha, sa słoŭ vajenkara, źmienaŭ u linii bajavoha sutyknieńnia nie adbyłosia.
Kamientary