Vybuch na Omskim NPZ vyvieŭ z ładu amal pałovu mahutnaściaŭ pradpryjemstva — Reuters
Ahienctva Reuters sa spasyłkaj na krynicu, znajomuju ź situacyjaj, śćviardžaje, što vynikam vybuchu na Omskim NPZ, jaki prahučaŭ 26 žniŭnia, stała vyviadzieńnie z ładu pałovy hetaha pradpryjemstva, jakoje vyrablaje dziasiatuju častku rasijskaha paliva.
Sa słoŭ surazmoŭcy ahienctva, u vyniku incydentu atrymała paškodžańni i była spynienaja najbolš pradukcyjnaja na zavodzie ŭstanoŭka pieršasnaj pierapracoŭki nafty AVT-11.
Pa słovach krynic Reuters, u vyniku avaryi na zavodzie moža całkam spynicca praces hidrakrekinhu, pakolki jon zabiaśpiečvajecca syravinaj (vakuumnym hazojlem) niepasredna z AVT-11.
AVT-11 pierapracoŭvaje ŭ hod 8,4 młn ton nafty i 1,2 młn ton hazavaha kandensatu, zabiaśpiečvajučy 41% mahutnaści Omskaha NPZ.
Na dumku analitykaŭ, va ŭmovach sankcyj adnavić hetuju ŭstanoŭku budzie vielmi składanaj zadačaj.
Uvohule ž letaś Omski NPZ pierapracavaŭ 21,28 miljona ton nafty i vyrabiŭ 5,07 młn ton aŭtabienzinu (11,5% ad vytvorčaści ŭ RF), 8,1 młn ton dyzpaliva (9,2%) i 1,63 młn ton avijahazy (15%).
Kamientary