Biełarusy sabrali nieabchodnuju sumu hrošaj na kaladnyja padarunki dzieciam palitviaźniaŭ
«Cud na Kalady adbyŭsia! Zbor na dziaciej palitviaźniaŭ całkam sabrany! Dziakuj usim, chto danaciŭ, repościŭ i padtrymlivaŭ!» — napisaŭ kiraŭnik «Bajsoła» Andrej Stryžak.
«Navahodnija śviaty — čas dla ciapła, lubovi i dabryni. Ale dla mnohich biełaruskich dziaciej zaraz nie chapaje najvažniejšaha: mamy ci taty pobač, bo jany znachodziacca ŭ źniavoleńni pavodle palityčnych matyvaŭ. Zamiest zvykłych radaściaŭ dziacinstva — jany vymušanyja žyć u rasstańni, z šmatlikimi ciažkaściami, ale my možam zrabić tak, kab śviatło ŭlubionych śviataŭ dasiahnuła i da ich.
Kožnaje vaša achviaravańnie — heta nie prosta padarunak, heta znak taho, što śviet nie zabyŭsia pra ich i pra ich siemji. Razam my možam stvaryć śviata, napoŭnienaje ciopłynioj i padtrymkaj, dzie, chaj na imhnieńnie, dzieci adčujuć prysutnaść baćkoŭ. Ujavicie sabie ich uśmieški, ich radaść, kali jany atrymajuć padarunki ad «Dzieda Maroza» — jak simvał taho, što jany nie adny, što mnohija ludzi kłapociacca pra ich i ich budučyniu», — zaklikała arhanizacyja.
Jak atrymać dapamohu?
Źviarnucca pa dapamohu mahli členy siemjaŭ palitviaźniaŭ, u jakich jość dzieci da 16 hadoŭ uklučna i niechta z baćkoŭ (ci abodva) znachodziacca (bolš za 3 miesiacy), albo znachodzilisia raniej u źniavoleńni (taksama bolš za 3 miesiacy).
Na padarunak kožnamu dziciaci budzie vypłačana 100 €.
Takim čynam pa stanie na ranicu čaćviarha sabrana 25 116 jeŭra z 24 800, adnak akcyja praciahvajecca.
Padtrymać akcyju
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana11
Kamientary