«Kazki» Alaksandra Puškina, vydadzienyja handlovaj markaj «Umka» ŭ sieryi «Załataja kłasika», źniknuć z palic kram. Takija vyniki vyprabavańniaŭ Dziaržstandartu.
Hetaja kniha była nadrukavanaja na Smalenskim palihrafičnym kambinacie, u filijale akcyjaniernaha tavarystva «Vydaviectva «Vyšejšaja škoła».
Vyvučyŭšy hetaje vydańnie, ekśpierty znajšli parušeńni techničnaha rehłamientu Mytnaha sajuza «Ab biaśpiecy pradukcyi, pryznačanaj dla dziaciej i padletkaŭ» parušeńni niaznačnyja, ale ŭsio ž prabieł pamiž słovami ŭ vydavieckaj pradukcyi dla daškolnaha i małodšaha školnaha ŭzrostu pavinien być roŭny kiehlu šryfta. Faktyčna kiehl asnoŭnaha šryfta byŭ bolš za 6 mm, a prabieł pamiž słovami skłaŭ 1,8 mm.
U vyniku Dziaržstandart pastanaviŭ nie tolki zabaranić uvoz i realizacyju hetaj partyi knih, ale i spynić dziejańni dakumientaŭ ab acency adpaviednaści.
Try miesiacy tamu ŭ Dziaržstandartu ŭžo byli pytańni da «Kazak» Alaksandra Puškina. Praŭda, tyja knihi byli vypuščanyja Jarasłaŭskim palihrafičnym kambinatam. Ale parušeńni byli padobnyja. U tym vydańni kiehl apynuŭsia 3 mm, a prabieł pamiž słovami — 2,5 mm.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?5
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary