Prakuror zapatrabavaŭ pažyćciovaha źniavoleńnia dla abvinavačanaha ŭ zabojstvie biełaruski Lizy ŭ Varšavie
Sud ahučyć vyrak 17 studzienia.
U Akruhovym sudzie Varšavy adbylisia sprečki bakoŭ u spravie Dorjana S., abvinavačanaha ŭ zhvałtavańni i zabojstvie biełaruski Lizy. Prakuratura zapatrabavała dla fihuranta pažyćciovaha źniavoleńnia, piša Biełsat.
Sud ahučyć vyrak 17 studzienia.
Dorjanu — 23 hady. Jon skončyŭ himnaziju i bolej nidzie nie vučyŭsia. Jon nie maje prafiesii, nie pracavaŭ, nie mieŭ dachodu. Raniej prachodziŭ lačeńnie ad užyvańnia narkotykaŭ.
Maładzion pryznaŭ vinu ŭ zhvałtavańni, ale zapeŭniŭ, što zabivać dziaŭčynu nie chacieŭ. Jon raskazaŭ sudu, što musiŭ zapłacić 1600 złotych za kvateru (u pieraliku kala Br 1380), a hrošaj nie było.
Dorjan chacieŭ abrabavać kramu ci bar, pajšoŭ na złačynstva z bałakłavaju i nažom. U adnym z baraŭ zaŭvažyŭ ukraincaŭ, dumaŭ ich abakraści, ale ŭ vyniku trapiŭ na Lizu.
Abvinavačany taksama skarystaŭsia pravam adkazvać tolki na pytańni abarony, z ułasnaj inicyjatyvy raskazvać što-kolviek admoviŭsia.
Sudovy praces pačaŭsia va ŭmovach uzmocnienych zachadaŭ biaśpieki. Palicyja nie vyklučaje pravakacyjaŭ i sprobaŭ napadu na abvinavačanaha.
Złačynstva ŭ centry Varšavy adbyłosia ŭ noč na 25 lutaha. Pavodle śledstva, Dorjan S. zhvałtavaŭ biełarusku i namahaŭsia zadušyć. Dziaŭčynu špitalizavali ŭ krytyčnym stanie, praz 6 dzion jana pamierła.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?9
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary