Estonski ekstremał prajšoŭ pa kanacie z adnaho chmaračosa ŭ Dubai ŭ druhi na vyšyni 45 paviercha VIDEA
Najlepšy estonski kanatachodziec Jaan Rooze znoŭ dakazaŭ, što niama ničoha niemahčymaha. 11 studzienia suśvietna viadomamu spartsmienu spoŭniłasia 33 hady. Svoj dzień naradžeńnia jon vyrašyŭ adśviatkavać niezvyčajnym sposabam, piša Postimees.
Vystup Rooze staŭ častkaj najbujniejšaha ŭ śviecie mierapryjemstva dla influjensieraŭ. Vykonvajučy truk, Rooze kinuŭ vyklik hravitacyi i zabaŭlaŭ hledačoŭ śmiełymi ruchami. Estonski kanatachodziec nie tolki pierasoŭvaŭsia pa kanacie, ale i lažaŭ na im i navat visieŭ dahary nahami.
Jaan prajšoŭ pa 100-mietrovym kanacie, jaki byŭ naciahnuty pamiž dvuma chmaračosami ŭ Dubai. Mužčyna źjaŭlajecca trochrazovym čempijonam śvietu pa słekłajnie — halinie ekvilibrystyki, śpiecyjalisty ŭ jakoj chodziać pa niejłonavaj abo poliesteravaj strapie.
Kanat byŭ praciahnuty na vyšyni 224 mietra pamiž viežami Jumeirah Emirates Towers. U samich viežach naličvajecca 54 i 56 pavierchaŭ. Kanatachodziec prajšoŭ pa strapie na vyšyni aryjentyrovačna kala 45-ha paviercha, pryčym u abodva baki. Pierformans byŭ prymierkavany da treciaha samitu 1 Billion Followers Summit, pryśviečanamu ekanomicy stvaralnikaŭ kantentu.
U zapisie Red Bull UAE było vystaŭlena heta videa z podpisam: «Bojaź vyšyni nie ŭvachodzić u słoŭnik Jaana. Słekłajn pamiž emirackimi viežami ŭ Dubai».
«Jaan — mašyna! Heta varjactva, jak zaŭsiody! Ty varjat!» — napisaŭ adzin z karystalnikaŭ.
«Kali hladziš, kaleni pačynajuć dryžać», — dadaŭ inšy.
«Brava, čempijon!» — pachvaliŭ spartsmiena kamientatar na italjanskaj movie.
Heta daloka nie pieršy raz, kali spartsmien kidaje vyklik hravitacyi. Uletku minułaha hoda jon prajšoŭ pa strapie daŭžynioj 3600 mietraŭ pamiž macierykovaj častkaj Italii i vostravam Sicylija, pieraadoleŭšy dystancyju amal za try hadziny.
Na žal, pryblizna za 100 mietraŭ da kanca truka jon straciŭ raŭnavahu. A minułaj zimoj Jaan staŭ pieršym u śviecie čałaviekam, jaki praskočyŭ pa naciahnutaj strapie nad abledzianiełym vadaspadam Vałaste.
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia3
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1515
Kamientary