«Kanadcy ceniać svaju niezaležnaść, pahrozy i abrazy ich nie pierakanajuć», — zajaviŭ były kanadski premjer 91-hadovy Žan Krećjen (1993—2003) u zvarocie da abranaha prezidenta ZŠA Donalda Trampa. Jaho kałonku apublikavała Globe and Mail.
«Donald Tramp, jak stary staromu: Apamiatajsia!», — napisaŭ palityk.
Kanada abodva razy dałučałasia da suśvietnych vojnaŭ raniej za ZŠA, zmahajučysia i «achviarujučy značna bolšym, čym my mahli sabie ŭjavić», nahadaŭ Krećjen. Akramia taho, praciahnuŭ jon, u Kanady «chapiła śmiełaści skazać «nie» vašaj krainie, kali jana sprabavała ŭciahnuć nas u całkam nieabhruntavanuju i destabilizujučuju vajnu ŭ Iraku».
Eks-premjer źviarnuŭsia da fiederalnych i miascovych palitykaŭ u Kanadzie i zapatrabavaŭ ad ich stojkaści i ćviordaści.
«Ale vy nie vyjhrajecie chakiej, hulajučy tolki ŭ abaronie. My ŭsie viedajem, što navat kali my zadavalniajem adno patrabavańnie, mister Tramp viartajecca ź inšym, jašče bolšym patrabavańniem. Heta nie dypłamatyja, heta šantaž. Nam patrebny inšy padychod, jaki parvie hety zahannaje koła», — dadaŭ jon.
Krećjenu ŭ dzień publikacyi kałonki spoŭniŭsia 91 hod. Trampu ŭ červieni hetaha hoda budzie 79 hadoŭ. Džaścinu Trudo, jaki syšoŭ u adstaŭku, 52 hady.
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia1
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1414
Kamientary