Лукашэнка: Ніхто ў калгасе не можа звольніцца без рашэння кіраўніка
Надышоў час навесці парадак з кадрамі ў сельскай гаспадарцы, чарговы раз заявіў Аляксандр Лукашэнка на традыцыйнай нарадзе, прысвечанай уборачнай кампаніі.
«Сёння ніводны спецыяліст, ніводны кіраўнік сельгаспрадпрыемства не можа быць пераведзены на іншую працу або звольніцца без рашэння старшыні райвыканкама», — цытуе Лукашэнку «Спутнік».
Паводле яго слоў, пасля звальнення такога спецыяліста ніхто не павінен браць яго на новую працу да таго моманту, пакуль не будзе дадзена нармальная характарыстыка з папярэдняй працы.
Лукашэнка асабліва адзначыў, што такі прынцып павінен працаваць на ўсёй вертыкалі, каб старшыня райвыканкама і ўсе, хто ёсць у абласным рэестры, таксама не маглі кінуць працоўнае месца.
«Час ужо навесці парадак з кадрамі. Тое ж самае — ніводны механізатар, даярка і гэтак далей у сельгаспрадпрыемстве (калгасе, саўгасе) не можа кроку ступіць налева-направа без рашэння кіраўніка. Замкнёная вертыкаль і адказнасць», — абмаляваў перспектывы Лукашэнка.
На яго думку, жніво з'яўляецца ўсенароднай справай. Таму плануецца дадаткова задзейнічаць тры тысячы механізатараў.
«Ведаю, многія мужыкі, асабліва тыя, хто родам з вёскі, спецыяльна бяруць адпачынкі на ліпень і ўладкоўваюцца працаваць камбайнерамі, каб зарабіць добрыя дадатковыя грошы для сваіх сем'яў», — дадаў Лукашэнка.
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА27
Каментары
А ещё лучше будет, когда белорус будет плотить лично лукашенку, за то, что ему разрешили работать рабом в колхозе, больнице, школе, заводе, фабрике, чтобы была прибыль, чтобы ментам зарплаты плотить, вагнеровцам пособия по безработице, а не траты на зарплаты рабов в колхозах и заводах.