Jak zahadkavy deman z vypadkovaha partreta moža źmianić los tvorcy — hladzicie ŭ RTBD
Užo chutka ŭ RTBD raspačniecca novy siezon, tamu my budziem pieryjadyčna nahadvać pra śpiektakli, vartyja vašaj uvahi.
U sieradu 23 kastryčnika (tak, nie chutka, ale paśla kvitkoŭ nie budzie) u teatry pakažuć «Partret» — trahifars pa matyvach Hohala. Režysior-pastanoŭščyk — mastacki kiraŭnik RTBD Alaksandr Harcujeŭ.
Heta fantasmaharyčnaja, mistyčnaja, hratesknaja historyja mastaka (Čartkova) i jaho žyćciovaha vybaru.
Kožny tvorčy čałaviek chacia b adnojčy ŭ žyćci sutykaŭsia ź niaprostym vybaram: pryśviacić svajo žyćcio tamu, dla čaho ty byŭ narodžany, raskryćciu svajho talentu i słužeńniu vysokamu, albo paddacca spakusie bahaćcia i ŭciech.
U śpiektakli hladač bačyć praces pryniaćcia hetaha vybaru, i čamu ŭsio adbyvajecca tak ci inakš. Mistyka? Budzie. Intryha? Jašče jakaja. Napružańnie? Chapaje.
Jak zahadkavy deman z vypadkovaha partreta moža źmianić los tvorcy, možna budzie pabačyć 23 kastryčnika ŭ Respublikanskim teatry biełaruskaj dramaturhii.
Tych, chto čakaje ŭbačyć chrestamatyjnaha, marudlivaha Hohala ŭ pastanoŭcy RTBD, čakaje rasčaravańnie. Usio pa-sučasnamu, imkliva i nastrojena pa-bajavomu.
Kvitki: 9.00 — 10.00 BYN
Kupić kvitok na «Partret»
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary