«Daj Darohu!», «Kłasika la ratušy», kino — varyjanty adpačynku na vychadnych dla minčukoŭ

Voś, čym možna zaniacca:

1. Adarvacca na kancercie «Daj Darohu!»

17 žniŭnia brescki hurt zaprašaje adznačyć dzień naradžeńnia svajho frontmena Jury Stylskaha ŭ staličnym Re:Public.

Chłopcy adyhrajuć vialiki kancert pad kodavaj nazvaj — Supersession.

Budzie drajvova i horača, bo inakš niemahčyma.

Dzie: Re:Public (Minsk, vuł. Prytyckaha, 62)

Kali: 17 žniŭnia (subota), 19:00

Kvitki: 25.00 — 30.00 BYN (nabyć možna na bezkassira.by)

2. Pasłuchać «Kłasiku la Ratušy»

17 žniŭnia — pieradapošniaja mahčymaść dla minčukoŭ atrymać asałodu ad jakasnaj kłasičnaj muzyki ŭ samym sercy Minska. Hetym razam tut zajhraje Dziaržaŭny kamierny arkiestr Respubliki Biełaruś, a taksama vystupić mižnarodny kancertny salist, prafiesar Vyšejšaj Škoły mastactvaŭ pijanist Cimur Sierhiejenia (Bielhija-Biełaruś).

Dzie: Vierchni horad, Minsk

Kali: 17 žniŭnia (subota), 20:30

Uvachod: tradycyjna volny

Pavialičyć

3. Addać daninu pavahi Tarancina i pahladzieć «Adnojčy ŭ… Halivudzie»

Film apaviadaje pra padziei, jakija adbylisia ŭ Halivudzie ŭ 1969 hodzie, na zachadzie jaho «załatoha stahodździa». Pa siužecie, viadomy akcior Ryk Dałtan (Leanarda DyKaprya) i jaho dublor Klif But (Bred Pit) sprabujuć znajści svajo miesca ŭ imklivym śviecie kinaindustryi.

Hety film vyjšaŭ u prakat tydzień tamu i ŭžo naźbiraŭ vakoł siabie šmat sprečnych vodhukaŭ. Chtości vielmi chvalić stužku, a chtości dziorzka zajaŭlaje, što Tarancina — futfiecišyst i prosta raściahnuŭ bieśsiužetnuju karcinu na 3 hadziny.

Ale na naš subjektyŭny pohlad, film atrymaŭsia vielmi atmaśfierny. Vidać, što była praviedziena vialikaja praca nad kaściumami, dekaracyjami, vobrazami. Usio pradumana i zroblena da drabniutkich detalaŭ, tamu nazirać za tym, što adbyvajecca na ekranie, budzie vielmi i vielmi pryjemna.

Pryjemna budzie pahladzieć i na pa-sapraŭdnamu zorny akciorski skład. Hałoŭnyja roli tut vykonvajuć Leanarda DyKaprya (Ryk Dałtan), Bred Pit (Klif But) i Marho Robi (Šeran Tejt).

Što tyčycca rejtynhavych partałaŭ, to na Metacritic film atrymaŭ 84/100.

Ale, kab zajmieć ułasnaje mierkavańnie pra «Adnojčy ŭ… Halivudzie», mała pačytać vodhuki inšych ludziej (navat kali jany kłasnyja krytyki) — treba iści i hladzieć samomu.

Dzie: Art-kinateatry (u HC «Jeŭropa» i «Tytan»)

Kali:

Uvachod: 7.00 — 10.00 BYN.

Nabyć kvitki možna praz našu Afišu.

4. Paraŭnać staroha i novaha «Karala Lva»

Remejk na multfilm «Karol Leŭ» idzie ŭ kino ŭžo davoli daŭno, ale, kali vy jaho jašče nie pahladzieli, to vypravić heta možna ŭ subotu abo niadzielu.

Pavialičyć

Pra što film? Dziejańnie razhortvajecca ŭ afrykanskaj savanie i raspaviadaje pra maładoha lva pa imi Simba, jaki straciŭ svajho baćku Mufasa praz złoha dziadźku Šrama i byŭ vyhnany z prajdu ŭ dalokija krai pustyni. Praz hady jon viartajecca, kab viarnuć sabie tron. Znajomyja ź dziacinstva hieroi stalejuć, spaznajuć siabie i navakolny śviet, pamylajucca, ale ŭsio ž robiać pravilny vybar.

Vodhuki pra stužku roznyja. Chtości chvalić film, a chtości kaža, što Disney vyrašyŭ hetaj karcinaj padzarabić na ščyrych pačućciach hledačoŭ, ale samomu novamu filmu pačućciovaści brakuje. Zatoje techničny bok — daskanały. Jakasnaja karcinka i huk, padčas prahladu stanovicca ciažka adčuvać miažu pamiž kampjutarnaj hrafikaj i dobra adźniatymi filmami Discovery.

Na Metacritic film atrymaŭ 55/100.

Dzie kupić kvitki? Zrabić heta možna na našaj Afišy. My prapanujem hladzieć filmy ŭ Artkinateatrach (HC «Jeŭropa» i «Tytan»), bo jany sapraŭdy kłasnyja. Sučasnaja technika, zručnaje abstalavańnie — tut jość usio dla kamfortnaha prahladu.

Košt: 6.00 — 10.00 BYN

5. Vyhadna nabyć knihi na načnym kirmašy

U noč ź piatnicy na subotu ŭ amataraŭ knih źjavicca mahčymaść sustrecca z adnadumcami ŭ niebanalnaj atmaśfiery, a taksama nabyć litaraturu pa pryjemnych koštach. Asabliva aktualna heta pierad pačatkam navučalnaha hoda.

Tradycyjny načny knižny kirmaš pačynaje pracavać a 23:55 u piatnicu i skančvaje pracu a 14:00 u subotu.

Kali: 16-17 žniŭnia, 23:55 — 14:00

Dzie: Spartyŭny kompleks «Dynama» (vuł. Daŭmana, 23a)

Uvachod: volny

• 0
• 0
• 0
• 0
• 0
• 0
• 0
• 0