Viadomy mižnarodny fashion-rytejler LPP Group pradstavić u Minsku adrazu piać svaich brendaŭ. Fłahmanskija kramy Reserved, Mohito, Cropp, Sinsay i House adkryjucca ŭ centry zabaŭ i pakupak Mega Park, jaki dabudoŭvajecca ŭ Kamiennaj Horcy pobač z parkam Uha Čaviesa.
Kramy buduć naŭprost kiravacca vytvorcam. Na pieršym etapie ŭłasnaja sietka LPP Group u Biełarusi achopić dva harady: Minsk i Hrodna. Maštabniej za ŭsio polskija brendy buduć pradstaŭleny ŭ HZC Mega Park, dzie zojmuć 5 400 kv. m.
Usie piać kram buduć fłahmanskimi. Samaj bujnoj ź ich stanie dvuchpaviarchovy Reserved płoščaj 2500 kv. m. Kramy Mohito, Cropp, House raźmieściacca na pieršym uzroŭni handlovaha centra, Sinsay — na druhim uzroŭni.
Usie brendy LPP Group u Minsku možna budzie znajści tolki ŭ HZC Mega Park. Kompleks vybrali, pierš za ŭsio, dziakujučy raźmiaščeńniu ŭ centry samaha bujnoha mikrarajona, śviežaj kancepcyi i pradumanaj płaniroŭcy, raspracavanaj pad suśvietnyja brendy.
Minskija kramy ŭładkujuć u jeŭrapiejskim farmacie z prastornymi załami, pašyranymi ekspazicyjami i zručnymi prymieračnymi. Novyja kalekcyi buduć pastupać u Biełaruś hetak ža chutka, jak i ŭ krainy Jeŭrasajuza. Cenavaja palityka budzie takoj ža, jak i ŭ susiednich krainach.
HZC Mega Park budujecca ŭ centry Kamiennaj Horki na skryžavańni vulic Kazimiraŭskaj i Kamiennahorskaj. Jaho ahulnaja płošča — 58 000 kv. m. U kompleksie buduć raźmieščany kramy, katok, kinateatr, batutnaja arena, kafe i restarany, fitnies-centr, dziciačy centr i škoła rańniaha raźvićcia. Praduhledžany apteki, chimčystka, sałony pryhažości, vieterynarny kabiniet i hrumiernaja dla chatnich hadavancaŭ. Pobač budzie biaspłatnaja płoskasnaja parkoŭka na 1200 aŭtamabilaŭ.
LPP Group uvachodzić u lik suśvietnych fashion-rytejleraŭ. Jaho sietka ŭklučaje kala 1700 kram u 25 krainach Jeŭropy, Azii, Blizkaha Uschodu i Afryki. Polski vytvorca štohod pradaje 265 miljonaŭ adzinak adzieńnia.
Ejsmant: Nijakich vybačeńniaŭ Łukašenka Zialenskamu nie prynosiŭ, bo prasić prabačeńnia nam niama za što71
Kamientary