«Nu kajf ža!» Kamientatarka «Biełaruś 5» Daryna Zapolskaja adpačyvaje ŭ Francyi FOTA

Daryna skončyła Instytut žurnalistyki BDU ŭ 2013 hodzie. Užo padčas vučoby dziaŭčyna maryła stać spartyŭnaj kamientatarkaj i jeździć aśviatlać spartyŭnyja padziei — asabliva tenisnyja turniry Vialikaha šlema. Jana ź dziacinstva zachaplałasia vialikim tenisam, ale ŭ školnyja hady niaŭdała złamała ruku i tamu pra prafiesijny sport pryjšłosia zabyć.

Tamu nie dziŭna, što Daryna, pabačyŭšy abjavu pra kastynh kamientataraŭ na «Biełaruś 5», vyrašyła padać zajaŭku. Jana vyjšła ŭ druhi etap kastynhu, dzie siarod 15 udzielnikaŭ było ŭsiaho dźvie dziaŭčyny. I ŭ vyniku atrymała prapanovu pracy.

Profilny vid sportu kamientatarki — vialiki tenis. Ale nasamreč kamientavać joj prychodzicca ŭsio na śviecie.

Hetym navat Łukašenka niejak aburyŭsia:

«Vy ž bačycie naš «Biełaruś 5». Jany tam kamientataraŭ narmalnych nie mohuć znajści.

U ich Daryna hetaja, niebaraka, kamientuje ŭsie vidy spabornictvaŭ. I tenis, i futboł, i baskietboł, i bijatłon…

Moža, jana i śpiecyjalist u hetym płanie, ale nie hłyboki. Nie chaču, kab pakryŭdziłasia — dziakuj Bohu, choć jana niešta robić».

Pavialičyć

Darečy, u sakaviku 2022 hoda Daryna Zapolskaja advažyłasia ŭ instahramie napisać antyvajenny post. Bo sama jana napałovu ŭkrainka, a jaje dziadula, kali Rasija napała na Ukrainu, žyŭ u nievialikim horadzie pad Umańniu.

«Kožny dzień ja dumaju, ci nakanavana dziadulu ŭbačyć svaju žonku, dačok, unukaŭ. Tamu što nas padzialajuć nie prosta 800 kiłamietraŭ i čortavy miežy!» — chvalavałasia kamientatarka.

Babula Daryny, jakaja ŭ toj čas lačyłasia ŭ Biełarusi ad ankałohii, maryła pajechać da muža i naviedać brata va Ukrainie vosieńniu 2022 hoda. A dziaŭčyna pryznavałasia, što ŭ jaje nie chapiła duchu skazać babuli, što chutčej za ŭsio takoj mahčymaści nie budzie.

«Viedajecie, mnie naohuł usio roŭna, chto maje racyju, chto vinavaty i čyje rakiety latajuć. Ja viedaju adno: jany ŭvohule nie pavinny latać. Jak by heta ni nazyvałasia — śpiecapieracyjaj, abaronaj ci vajnoj», — emacyjanalny post u instahramie Daryna skončyła tady chešteham #nowar.

Pavialičyć

Ale navat siamiejnaja drama nie matyvavała Darynu kinuć pracu na Biełteleradyjokampanii. Toj samaj vosieńniu 2022 hoda jana ŭdzielničała ŭ adnoj ź lubimych zabaŭ Łukašenki apošnich hadoŭ — čempijanatu pa kołcy drovaŭ siarod prapahandystaŭ.

Letaś Daryna latała ŭ Kazań, kab kamientavać hulni krain BRIKS.

Ciapier ža dziaŭčyna atrymlivaje asałodu ad adpačynku ŭ Francyi. Daryna raspaviała ŭ instahramie, što za tydzień paśpieła pabačyć Strasburh roznym: i soniečnym, i ciopłym, i maroznym, i daždžlivym.

Jana pakazvaje ŭ storys udały šopinh, a taksama raspaviadaje, jak skarystałasia mahčymaściu biaspłatna naviedać muziej u niadzielu. Schadziła Daryna i ŭ pałac Rahana, kab pahladzieć fłamandski i niderłandski žyvapis epochi Adradžeńnia. A jašče padniałasia na ahladnuju placoŭku Strasburhskaha sabora.

Siabroŭka Daryny zaprasiła jaje na francuzski abied da svajoj śviakrovi, dzie kamientatarka pačastavałasia «karaleŭskim pirahom» (La Galette des Rois), jaki tradycyjna hatujuć u Francyi na śviata Bohajaŭleńnia.

Pavialičyć

Sakret desiertu ŭ tym, što ŭ pirahu zapiakajuć «bob» (raniej heta byŭ realna bob, ciapier — kieramičnyja fihurki roznych hierojaŭ). Čałaviek, jakomu trapiŭsia «bob», na viečar robicca karalom — tamu mnohija piakarni adrazu pradajuć La Galette des Rois u kamplekcie z papiarovaj karonaj. U Francyi žartujuć, što bolš za ŭsio zachavańniu takoj tradycyi radujucca stamatołahi, jakija paśla śviataŭ atrymlivajuć novych klijentaŭ sa złamanymi zubami.

Daryna supakoiła padpisčykaŭ, što ź jaje ŭśmieškaj usio dobra:

— Zuby nie złamała, «bob» z Hiermijonaj atrymała. Nu kajf ža!

• 1
• 2
• 6
• 12
• 2
• 0
• 15
• 0