Piedahoh admoviŭsia vykonvać niezakonny zahad kiraŭnictva — jaho za heta jašče i pakarali
Jakoje biaspraŭnaje stanovišča piedahohaŭ pierad kiraŭnictvam navučalnych ustanoŭ, pakazvaje navat praŭładny Biełaruski prafsajuz rabotnikaŭ adukacyi i navuki.
Rabotnika navučalnaj ustanovy niezakonna pryciahnuli da dyscyplinarnaj adkaznaści, ale dakazać svaju praŭdu jamu samomu nie ŭdałosia, piša 1prof.by.
Pavodle resursu, najmalnik abaviazaŭ padnačalenaha supravadžać dziaciej u basiejn, jaki znachodzicca ŭ inšym nasielenym punkcie.
Mała taho, što takoha rodu abaviazak nie prapisany ŭ słužbovaj instrukcyi supracoŭnika, dyk jamu jašče i nie vydali kamandzirovačnaje paśviedčańnie i, adpaviedna, nie vypłacili kamandzirovačnyja vydatki.
Dalej — bolš: čas, vydatkavany na supravadžeńnie dziaciej, nie ŭklučaŭsia ŭ pracoŭny.
Vykonvać daručeńnie na takich umovach supracoŭnik admoviŭsia i byŭ pryciahnuty da dyscyplinarnaj adkaznaści.
Jak ni sprabavaŭ śpiecyjalist dakazać svaju praŭdu, ničoha nie vychodziła. Tady jon źviarnuŭsia ŭ prafsajuz, adkul pryjšło piśmovaje patrabavańnie admianić zahad ab pryciahnieńni člena prafsajuza da dyscyplinarnaj adkaznaści.
Tolki tady najmalnik pryniaŭ rašeńnie ab urehulavańni pracoŭnaj sprečki i admienie zahada.
Kamientary